سيلين طفلة الضمور العضلي تجمع 30 مليون جنيه لشراء الحقنة الأغلى في العالم
أعلنت الصفحة المسؤولة عن حملة التبرع لـ سيلين أيمن، الطفلة المصابة بالضمور العضلي الشوكي على فيس بوك، أنه تم جمع 30 مليون جنيه، لشراء الحقنة الأغلى في العالم.
جمع 30 مليون جنيه
وقالت الصفحة في منشور لها عبر فيس بوك: ايه ممكن يخلينا فرحانين وقلقانين في نفس الوقت، الحمد لله بتبرعاتكم عدينا حاجز الـ 30 مليون جنيه.
10ملايين في أسبوع
وأضافت الصفحة: من أسبوع بس كنا 20 مليون، يعني 10 مليون في أسبوع، وكان في ناس مش متخيلين اننا ممكن نوصل للرقم ده، بس بفضل الله ووقفتكم وجدعنتكم وصلنا، عشان كده فرحانين.
وواصلت: بس كان نفسنا مننزلش تاني إلا استعلام الـ 40 مليون، ونفرح كلنا الفرحة الكبيرة، عشان كده لسه قلقانين، متابعة: الوقت بيمر وسيلين لسه محتاجالكم، والمشوار لسه مخلصش، واستكملت الصفحة خلال المنشور: هنبقى قدها وبإذن الله الاستعلام الجاي ننقذ سيلين..يا رب.
توقف العلاج البديل لسيلين
وفي وقت سابق، قالت رضوى حمدي، والدة الطفلة سيلين أيمن، المصابة بالضمور العضلي الشوكي، إنه تم وقف العلاج البديل لها.
وأضافت الأم في تصريحات خاصة لـ القاهرة24: العلاج البديل لسيلين اتوقف، وحالتها متدهورة جدًا، والحل الوحيد أنها تاخد الحقنة بأسرع وقت.
وأوضحت رضوى، أن العلاج البديل يتكلف نحو 720 ألف جنيه سنويًا، وهي أخدت منه 3 جرعات بس، منوهة: ده دواء بديل للحقنة عشان يساعد في تقليل تدهور حالتها، لحد ما تاخد الحقنة.
وفي سياق متصل، أعلنت الصفحة المسؤولة عن حملة التبرع للطفلة سيلين، إن العلاج البديل للطفلة تم إيقافه.
