نادية الجندي شوقتني للجواز ومحمد رمضان أتذل.. أبرز تصريحات فاطمة كشري التلفزيونية
تحدثت الفنانة فاطمة كشري، عن بداياتها الفنية، وعلاقتها بالفنانين في الوسط الفني، بجانب الحديث عن حياتها الشخصية، وذلك خلال حوارها في أحد البرامج التلفزيونية.
ونعرض لكم في السطور التالية أبرز تصريحات فاطمة كشري التلفزيونية:-
- أنا كنت بحب السينما بسبب الفنان نور الشريف الله يرحمه.
- مرة وأنا ماشية رايحة اشتري تلاجة لقيت زحمة سألت إيه ده قالولي دول بتوع السينما، عرفت إيه الأوراق المطلوبة وقدمت.
- كان أول شغل ليا مع الفنان نور الشريف، وأول أجر خدته كان 10 جنيه.
- زوجي ضربني وقالي يا أنا يا التمثيل اخترت التمثيل وطلبت الطلاق.
- نادية الجندي صِغرت 30 سنة بالحقن اللي بتاخدها وبعد ما تعمل مسلسل ولا فيلم في نص الفيلم الحقن دي مش ليها وقت وتنتهي؟ شوقتني للجواز.
- أنا عايزة عريس وعنيا عسلية وجميلة.
- جوزي مكنش بيشوفني لأن بالنهار كنت ببقى في المسرح وبالليل بيبقى عندي تصوير.
- لما بيجيلي شغل بوقف بنتي مكاني على عربية الكشري.
- محمد رمضان أتسحل واتبهدل زمان وبيغير من نفسه، وبيفرح لما الناس بتجيب في سيرته وبيتشهر أكتر.
- محمد رمضان كان تعبان في حياته ومذلول وطلع بعد عذاب وربنا إداله وهو عايز يتمتع بماله.
- ياريت أروح مهرجان الجونة، وناس كتير قالولي تعالي مهرجانات ولكن مش معايا حق الأتوبيس رايح جاي.
- الفنانات بتلبس فساتين في المهرجانات ممكن ميكونوش دفعوا ثمنها.
- عمليات التجميل مخلية شكل الفنانات وحش أوي.
