نادية الجندي: نجمي خفيف وبتحسد بسرعة.. واللي بيعملوا أسحار نهايتهم سودة
كشفت الفنانة نادية الجندي، رأيها في الحسد والسحر، مؤكدة أنها تؤمن بهم لأنهم في القرآن، بجانب الحديث عن حقيقة خلافها مع الزعيم عادل إمام.
وقالت نادية الجندي في تصريحات تلفزيونية: أنا نجمي خفيف وبتحسد بسرعة، وبصدق في السحر لأنه مذكور في القرآن، ولكني مؤمنة إن ربنا موجود واللي بيعملوا الحاجات دي نهايتهم سودة وحزب الشيطان عمره ما هينجح.. وعشان كدا عمري ما أذيت حد حتى لو الناس بتحاربني.
نادية الجندي: لا يوجد خلاف بيني وبين عادل إمام
وعن علاقتها بالفنان عادل إمام، قالت: مفيش أي خلاف مع عادل إمام على ظهور اسمنا قبل بعض في فيلم 5 باب، لأنه أعظم فيلم عملته في كل أعمالي وكل اللي كانوا في الفيلم كانوا متعاونين جدا.
وواصلت نادية الجندي: عادل إمام كان بيقعد معانا في أوقات غير اللي كان بيصور فيها من حبه فينا، وعلاقتي بـ عادل إمام قوية جدا، والفيلم نجح لأن الكل كان إيد واحدة وفيلم 5 باب من أنجح الأفلام العربية حينها، والفيلم وصل لكل قلوب المشاهدين بطريقة كبيرة جدًا.
كما وجهت نادية الجندي رسالة لكلًا من الفنانة سمية الخشاب وغادة عبد الرازق، قائلة: نفسي سمية الخشاب ترجع لنجوميتها تاني ومعتقدش إنها معمول لها سحر زي ما بيقولوا، ولكن محتاجة تركز على الفن أكتر من أي حاجة لأنها عندها طاقة كبيرة وموهبة عظيمة.
وأضافت نادية الجندي: غادة عبد الرازق ظلمت نفسها بسبب مسلسل الباطنية لأن الجمهور بيقارن بينه وبين النسخة الأصلية وأنا ضد إعادة تقديم الأعمال لأنه بيتظلم وأنا لو اتعرض عليا الباطنية دلوقتي هرفضه.
