نادية الجندي: محدش يقدر ياخد مكانتي.. ومحمد مختار مكنش هيبقى منتج لولا وجودي

كشفت الفنانة نادية الجندي عن رأيها في فنانات الجيل الجديد، مؤكدة أنه لا أحد يستطيع أخذ مكانتها، هذا بجانب حديثها عن علاقتها بالمنتج محمد مختار.

وقالت نادية الجندي، في تصريحات تلفزيونية: محدش أخد مكاني خلال الـ 20 سنة الماضية، مع إن فيه فنانات كويسين زي منى زكي وياسمين عبد العزيز ومنة شلبي وبحبهم، ولكن مكانة نادية الجندي محدش يقدر ياخدها؛ لأني كنت متميزة وعملت لنفسي مكانة كبيرة عند الجمهور ولا أقلد حد ومحدش بيقلدني.

وواصلت نادية الجندي: أنا اتحاربت كتير ومازلت بتحارب من فنانات إمكانياتهن محدودة ودي بتبقى غيرة، ومع ذلك عمري ما فكرت أذي أي زميلة؛ لأني على أرض صلبة وجمهوري في ضهري مش محتاجة أعمل كده.

محمد مختار لم ينتج لـ رانيا يوسف لأنه بيقيم الأمور 

وأضافت نادية الجندي: محمد مختار لولا وجودي مكنش هيبقى منتج لأني حببته في المجال، وشاف قد إيه أنا بتعب، وكنت بمثل وبنتج في نفس الوقت ولما دخل المجال وقفت جنبه كتير وأديته خبرتي.. ويمكن لم ينتج لـ رانيا يوسف لأنه تاجر في الأصل وبيقييم الأمور.

كما تحدثت نادية الجندي، عن سبب رفضها المشاركة في مسلسل ريا وسكينة، قائلة: رفضت أشارك في مسلسل ريا وسكينة لأني كنت لسه عاملة مسلسل مشوار امرأة ونجح جدًا وخفت أعمل دور واحدة شريرة والجمهور يكرهني، ونفسي سمية الخشاب ترجع لنجوميتها تاني لأنها طاقة وموهبة كبيرة.  

نادية الجندي ضيفة برنامج حبر سري اليوم