مصطفى كامل: يشرفني أكون مغني البوابين.. وحلمي بكر غيور على مهنة الفن
قال الفنان مصطفى كامل، إنه يتعرض للانتقادات وحملات طول مشوار حياته الفنية، موضحًا أن لم يغضب من أحد بعد كافة الأحاديث الخاطئة.
وقال مصطفى كامل خلال لقائه ضمن برنامج حبر سري: عمري ما بزعل من أي حاجة بتتقال عليا لأن بيتقال عليا حاجات كتير جدًا والحمد لله إن الأيام بتثبت عكس ده، وطول عمري بتحارب.
وتابع مصطفى كامل: ليا الشرف لو أنا مغني حتى بوابين مصر، وليا الشرف إني بمثل فئة من بلدي، أي حاجة بحس الجمهور بيميزني بيها ده شرف لأي حد، أحسن ما تشتغل وماحدش يحس بيك.
وعن الفنان حلمي بكر، أوضح مصطفى كامل: حلمي بكر حبيبي والدي وصديقي وأنا كنت من أكتر المقربين ليه من 1995، وهو مش بيهاجم، والناس فاهمة غلط هو غيور على المهنة وعلى العمالقة، ولكن هو طريقته مش دبلوماسية، وأنا لا أنتمي للطريقة الدبلوماسية دي.
وكان ترشح مصطفى كامل، بشكل رسمي لمنصب نقيب المهن الموسيقية، يُسدل الستار عن القائمة الكاملة لأسماء المرشحين على مقعد النقيب، يوم الأربعاء الموافق 28 سبتمبر الجاري.
أعمال مصطفى كامل الفنية
وتعد أغنية زرعة خايبة، آخر أعمال مصطفى كامل، الذي عرضت مؤخرًا عبر موقع الفيديوهات الشهير يوتيوب.
وتقول كلمات الأغنية كالتالي: يالي دايمًا تغلطوا في غيبتي، أوعوا بس تغركم غيبتي، كل عاله تعالى واتمنظر، بكره جاي على حجري بطريقتي، ياللي ياما في ظهري بتلكوا، وبترغوا وتهروا وتعكوا، واللي يسمع اسمي يتزرزر.
