عفاف شعيب: مهاجمتش محمد رمضان وقالي إنتي وش السعد عليا
ردت الفنانة عفاف شعيب، على شائعات مهاجمتها الفنان محمد رمضان، مؤكدة أنه شاركها في مسلسل دوران شبرا، وكانت تجمعهما علاقة جيدة للغاية، ولا يوجد خلافات بينهما.
وقالت عفاف شعيب، في تصريحات تلفزيونية: مهاجمتش محمد رمضان، وأول ما بدأ تمثيل كان معايا في مسلسل دوران شبرا، وكان مؤدب ومحترم ولما كنت أقول للمخرج أنا رايحة أصلي العصر كان يقولي خديني معاكي والنبي أصلي، وقالي إنتي وش السعد عليا، ووشي وش الخير على كل الفنانين اللي اشتغلت معاهم.
وعن سر حفاظها على إطلالتها الجذابة بشكل دائم، أوضحت عفاف شعيب: أنا علشان كنت بسافر كتير فكنت بجيب لبسي كله من برا، ولكن دلوقتي مفيش استيراد وبقيت محتارة أوي لأن مش أي ذوق بيعجبني، وكان فيه محل بتعامل معاه من زمان وكنت باخد منه لبس حتى قبل الحجاب، وبطل دلوقتي وكنت بجيب من عندم لبس ألماني وماركات عالمية.
وتابعت: مش علشان أنا مجحبة يكون شكلي مش حلو والناس تقول إيه الحجاب ده، لأ لازم بردو المحجبة تهتم بشكلها ولبسه وأناقتها وتكون منظمة في لبسها.. ربنا مدينا نعم كتير وبيحب نعمه تظهر على البني آدم.
عفاف شعيب
يعتبر مسلسل زي القمر، هو آخر أعمال الفنانة عفاف شعيب الفنية، كما شاركت قبلها في حكاية واحد في الميه، بالإضافة لـ مسلسل حكاية مريم في الذي عُرض في رمضان 2021.
