أقوال مدير مدرسة متهم بهتك عرض معلمة: كنا لوحدنا ولزقت فيا.. وقلتلها لو مسكتي الكانتين هنعمل اللي احنا عاوزينه | تحقيقات
اتهمت سيدة، تدعى ن. ح، معلمة متطوعة، مدير مدرسة خاصة في الجيزة، يدعى أ.أ، بالتحرش بها، وطلب رشوة جنسية لنفسه، ووقف قيدها بالمدرسة؛ لحين الرضوخ لطلباته الجنسية، وعمل على تهديدها.
هتك عرض معلمة
واستمعت جهات التحقيق إلى أقوال مدير المدرسة المتهم بهتك عرض معلمة داخل مكتبه بالمدرسة بمنطقة العمرانية بالجيزة، وجاءت أقواله كالآتي:
اللي حصل إن أنا كنت شغال مدیر مدرسة في الفترة من 13 أكتوبر 2021، لحد 2 ديسمبر 2021، وفي الفترة دي جات الشاكية وكان معاها ورق تطوع بالمدرسة وواقف على الموافقة الأمنية، وطلبت منها تجيب الموافقة من إدارة التربية والتعليم، وخلال الفترة دي اشتغلت في المدرسة تطوعا، وبعدها صدر قرار من الإدارة بإنهاء خدمة المتطوعين، وهي جات المدرسة، وأنا احتديت عليها ومشيتها، وبعد يومين رجعت المدرسة تاني، وكانت هادية ودخلت عليا المكتب وقالت لي ينفع تشوف لي حل وأرجع أشتغل، وقولت لها مفيش حل دلوقتي وأقصى حل أرجعك فصلك النهاردة علشان تلمي فلوس المجموعات.
وأضاف المدير المتهم: الشاكية بدأت تتكلم معايا وقالتلي قولي الحاجات اللي في جسمي بمسمياتها، وبدأت تثيرني ولما تمت إثارتي، مقدرتش أمسك نفسي بس خوفت وقولت لها هستني الفرصة المناسبة، ولو مسكتي الكانتين هجيلك علشان المدرسة فيها طلاب كتير، وقولت لها علشان نفسي في جسمك، وبعد كده لقيتها طلعت فوق صوتت وقالت ابني عمل حادثة، وعرفت إنها بتعمل حوار علشان تعملي مشكلة، وهو دا كل اللى حصل.
وجاء استجوابه أمام جهات التحقيق كالآتي:
س: متي وأين حدث ذلك؟
ج: الكلام ده حصل شهر تقريبا في شهر نوفمبر، في مكتبي في الدور الأرضي قدام غرفة العمل في المدرسة.
س: ما مناسبة تواجدك بالمكان والزمان سالفي الذكر؟
ج: أنا كنت أعمل مدير المدرسة ساعتها.
س: من كان برفقتك آنذاك؟
ج: أنا كنت موجود لوحدي بالمكتب وساعات كان بيكون معايا رئيس شؤون العاملين، وفي اليوم ده كان مختفي بصورة مريبة.
س: ما طبيعة عملك واختصاصك الوظيفي؟
ج: حاليا أعمل بإدارة أبو النمرس التعليمية وسابقا مدير مدرسة.
س: ما هو مؤهلك العلمي؟
ج: أنا حاصل على دبلوم معلمين عام 1989.
س: ما تاريخ التحاقك بالعمل بالمدرسة الأحلام؟
ج: منذ تاريخ 13 أكتوبر 2021.
س: ما هي علاقتك بالشاكية؟
ج: هي تقدمت بالأوراق الخاصة بتطوعها خلال شهر 11 لسنة 2021 للعمل بالمدرسة، رغم أن مؤهلها لا يتناسب وكانت تعمل بالمدرسة متطوعة.
س: متي حضرت سالفة الذكر للمدرسة تحديدا؟
ج: في شهر 11 لسنة 2021.
س: ما هو العمل الموكل إليها آنذاك؟
ج: اتوزع عليها الفصل الأول الابتدائي.
س: هل وافقت لها بمباشرة العمل آنذاك؟
ج: أيوه اشتغلت شوية لحين إحضار الموافقة الأمنية، وبعد كده جالی قرار من الإدارة بإلغاء التطوع.
س: هل أخبرت سالفة الذكر بإنهاء تطوعها؟
ج: أیوه قولت لها وممنوع تتواجد بالمدرسة ووقتها انفعلت، وقالت أنت السبب عاوز تمشيني وطلعت على الإدارة وأنا كان في بيني وبين الإدارة مشاكل اليومين دول ورجعت المدرسة تاني.
س: ما سبب عودتها مرة أخرى للمدرسة؟
ج: وكيل الإدارة اللي رجعها.
س: هل من ثمة حوار دار بينكما حال عودتها؟
ج: أيوة هي دخلتلي المكتب وأنا زعقت لها، وقولت وكيل الإدارة مش هيمشيني على مزاجه، وعاوز موافقة أمنية، ومشيت وتاني يوم رجعت وكانت متغيرة جدا.
س: متى عادت إليك تحديدا؟
ج: هي جات لي تاني يوم وزعقتلها بس مش متذكر يوم إیه.
س: ما التغيير الذي طراء عليها آنذاك؟
ج: بدأت تتكلم معايا بهدوء وميلت عليا ولزفت فيا.
س: هل كان برفقتكما ثمة أشخاص آنذاك؟
ج: کنا لوحدنا في المكتب بتاعي.
وحددت محكمة جنايات الجيزة، جلسة 25 سبتمبر الجاري، كأولى نظر جلسات محاكمة مدير مدرسة ابتدائية في العمرانية، متهم بهتك عرض معلمة، وعرض رشوة جنسية عليها وتهديدها.
