خنقني بالحزام وبنتي طلعت تجري في الشارع.. سيدة متزوجة تستغيث من زوجها: خايفة يقتلني| فيديو
اشتكت سيدة تدعى مها من القاهرة، من معاملة زوجها لها داخل منزلها، مؤكدة: خنقني بالحزام وبنتي طلعت تجري في الشارع وخافت من المنظر.
خايفة زوجي يقتلني
ودخلت السيدة في نوبة بكاء خلال برنامج الدنيا بخير عبر قناة الحياة مساء اليوم: زوجي لما يتطاول عليا وييجي يضربني بقوله أنت هتموتني بالطريقة وعيالنا هيروحوا فين، وطلبت له الشرطة عشان كنت خايفة يقتلني.
وتابعت خلال البرنامج: بنتي عندها 10 سنوات لما زوجي بيضربني يطلع من البلكونة وتصوت والجيران يتلموا علينا، وساعتها نفسيتي بتتعب.
أنا غلطت عشان طلبت الشرطة له
وأكملت: أنا غلطت عشان طلبت الشرطة له، وعاقبني ومنع عني الفلوس عشان موقف الشرطة، وكل ما يجي يضربني بصوت تحت منه، والجيران يدخلوا عليا وهدومي ساعات مش بتكون عليا.
لما بتصل بيه عشان يديني فلوس ومصاريف يقولي أنا معرفكيش
وأشارت خلال البرنامج إلى أن زوجها قام بإهانتها مرارًا وتكرارًا أمام جيرانها، متابعة: لما بتصل بيه عشان يديني فلوس ومصاريف يقولي أنا معرفكيش، وأنا مش عارفة أعمل أيه.
