خاص لـ القاهرة 24
الزوجة الأولى لـ هشام ربيع: أقنعني أرجع له عشان الأولاد.. ووعدني إنه هيطلق بوسي
كشفت منة محمد، الزوجة الأولى لـ هشام ربيع زوج المطربة بوسي، تفاصيل عودتها له بعد الطلاق، مشيرة إلى أنه أقنعها بالعودة من أجل الأولاد، بجانب الحديث عن رفضها زواجه من بوسي.
وقالت منة لـ القاهرة 24: هشام وعدني إنه هيطلق بوسي، وأقنعني أرجع له عشان الأولاد.. ولحد دلوقتي مطلقهاش، ولو قرر يطلقني هتكون الأخيرة، وهتقبل أن ربنا مش كاتب لنا نصيب ويروح يشوف حياته، وهو راجع لي وهي مش موافقة وطالبة الطلاق منه دلوقتي.
وواصلت منة: عمري ما هتقبل وجود زوجة تانية هو فيه ست بتقبل ضرة؟.. وأنا مش بتعامل معاها إحنا من الشرقية بس هي في حتة وأنا في حتة، وحاليا كلنا متخانقين وكل واحد عايش في بيت مختلف وبوسي اشترطت على هشام يطلقني.
وأضافت منة: حسيت أول ما هشام علاقته اتطورت بـ بوسي وفي الأول كنت حاسة إن فيه شخص تاني في حياته وعرفت من حد أنها بوسي، وطبعا رفضت قام مطلقني يوم الخميس ولقيته أتجوز السبت.. وكانت خناقتنا أنا وهشام على طول بسبب علاقته بـ بوسي.
ومن ناحيته، قال هشام ربيع في تصريح سابق لـ القاهرة 24، إن منة زوجته الأولى متقبلة وجود بوسي لأن قلبها كبير، وأن علاقتهما جيدة لأنهم من نفس المحافظة، كما نفى طلاقه من بوسي، مشيرا إلى أنه عاد لزوجته الأولى بسبب وجود الأولاد والعِشرة التي بينهما.
