محمود سعد عن القتل باسم الحب: الموضوع يحتاج دراسات وبحوث
علق الإعلامي محمود سعد على الجرائم التي انتشرت مؤخرًا تحت اسم القتل باسم الحب، والتي كان آخرها مقتل الطالبة طالبة أماني الجزار، التي قُتلت غدرًا على يد شاب رفضت الأسرة خطبته، في محافظة المنوفية.
وقال محمود سعد في فيديو لايف عبر صفحته الرسمية بموقع فيس بزك: الحب القاتل موضة غريبة جدًا ما شفنهاش قبل كده، كان لما حد من صحابنا يحب يعيط وأقسى حاجة يشرب سيجارة يبقى كده انحرف، لكن اللي بيحصل دلوقتي مسألة عاوزة بحوث ودراسات إزاي واحد يحب واحدة يقتلها ممكن ينتحروا هما الاتنين نفهمها ولو أنها غلط لكن سمعنا عنها، لكن ما سمعناش واحد يحب واحدة يقتلها يا نهار أسود لو الموضوع زاد.
كما تحدث محمود سعد عن تريند أجر الرضاعة قائلًا: مستغرب من اللي بيتكلموا في الموضوع ده ومنهم شخصيات قديرة، كل زوج وزوج أحرار يعملوا حياتهم زي ما هما عاوزين خذ العفو وأمر بالعرف، مش عاوزة أفتي.. بس هل ينفع تتجوز واحد تعتبرها شغالة وليه ندخل الموضوع في الرضاعة، ده العصفورة بتقوم بالدور ده وما سمعناش أن في عصفورة اشتكت، أنا أشعر بالأسف من الموضوع ده.
من ناحية أخرى، عبر محمود سعد عن مدى حبه الشديد لأغاني فايزة أحمد، مؤكدًا أنه يشعر بأن من يستمع لأغاني أم كلثوم وفايزة وفتحية أحمد روحه سترتفع وسيتقبل مشاكل الحياة بشكل آخر، موضحًا: لما بلاقي حد بيسمع فايزة ونجاة وأم كلثوم وفتحية أحمد، بحس قد إيه الناس دي ذواقة ده مش غنا ده دماغ وسلطنة.
واستكمل: الكلام حجلو والمزيكا حلوة والغنا بإحساس رائع واللي بيمسع ده يبقى في منتهى التذوق، الأغاني دي بتغير لسانك ولذلك بدال ما أنت مهتم بمراتي حقها ترضع ولا لأ، بيتهيألي لو سمعت أغنية فكروني لأم كلثوم وصراحة لفايزة، روحك هترتقع وهتحس أنك بتتعامل مع الحياة بمنتهى الحياة الرفق والمودة وهتلاقي نفسك بتعامل ولادك كويس وبتتكلم مع مراتك كويس والهم اللي عندك زال بنسبة كبيرة، الغنا حاجة جميلة والاستماع للمزيكا حاجة جميلة.
