قررنا مانسيبش أهلنا.. حياة كريمة تعيد إحلال وتجديد منزل أسرة تعولها سيدة مصابة بورم خبيث
نشرت الصفحة الرسمية لمبادرة حياة كريمة على موقع التواصل الاجتماعي فيس بوك، صورًا ترصد معاناة أسرة تعولها سيدة مصابة بورم خبيث وتعيش في منزل آيل للسقوط.
وقالت حياة كريمة: حكايتنا النهاردة صعبة شوية لأن من خلال متابعة فريقنا على الأرض وفي إحدى قرى محافظة سوهاج اكتشفنا حالة أسرة متعففه جدًا، الأم مريضة بورم خبيث ومسئولة عن 3 أولاد أكبرهم واللي كان بيسند البيت في المصاريف اتوفى من قريب، والاتنين التانيين بيدرسوا وعايشين على دخل 350 جنيها فقط.
وتابعت المبادرة: غير حالة البيت اللي آيل للسقوط ويحتوي على 3 لمبات إضاءة فقط ومفيش مكان عندهم حمام.
وأضافت المبادرة: عشان كده قررنا مانسيبش أهلنا في الحالة دي وتدخلنا لإعادة إحلال وتجديد المنزل، وكمان مساعدات تانية بنجهز فيها، حقيقي إحنا اتوجعنا من الحالة دي ويارب نكون حاولنا نكون سبب من ربنا في إننا نقدر نخليهم يعيشوا حياة كريمة.
