طبيب شيرين عبد الوهاب يكشف عن مرضها الحقيقي: كان عندها اكتئاب وتخنت لأنها بتاكل كتير
نفى الدكتور نبيل عبد المقصود مدير مركز السموم بجامعة القاهرة السابق، طبيب الفنانة شيرين عبد الوهاب إدمانها بحسب ما زعم مؤخرًا بعد ظهوره معاها في حفلها بقرطاج وتقبيلها يده.
وقال طبيب شيرين في مقابلة مع برنامج et بالعربي: مهرجان قرطاج قبلة الحياة لشيرين لأنها أعطاها دفعة، وفوجئت بها مع بداية الحفل استمرارها لمدة ساعتين وهي تتفاعل وتغني مع جمهورها بكل ثقة.
حقيقة إدمان شيرين عبد الوهاب
وعن حقيقة إدمانها، قال: شيرين لا تعاني من الإدمان والموضوع ده لازم يتقفل صحيح الإدمان مرض لكن مش عندها وسبب مجيئها لي أن في علاقة أسرية بينا، أما مرضها الحقيقي فهو أنها كانت داخلة في اعتزال واكتئاب لو كانت اتسابت كان الموضوع تطور، لأنها مرهفة الإحساس ويتتأثر بأي حاجة.
سبب زيادة وزن شيرين عبد الوهاب
أما عن سبب زيادة وزنها قال: في ناس لما يبقى عندها مشاكل تنعزل وتقطع الأكل وتنحف بشكل كبير، ولكن البعض بياكل كتير وبتخن، وهي حاليًا محتاجة جمهورها ومساندتهم.
بدورها، وجهت شيرين رسالة خلال لقاء طبيبها، قائلة: أنا حلوة بيكم ورجعت شيرين وليا نشاط فني قوي الفترة المقبلة، ووجهت رسالة لـ طبيبها قائلة: لولا وجودك معايا كنت ممكن ماقدرش أغني بس الاهتمام الحقيقي شجعني جدا وبقول لجمهوري حشتوني كفاية وبعدت عنكم كفاية وبشكر صحفيين بلدي وكل الوطن العربي.
