علي جمعة: اللي هيتحرش بعد كده هيقطعوله راسه
أجاب الدكتور علي جمعة، رئيس اللجنة الدينية بمجلس الشيوخ، ومفتي الجمهورية السابق، على سؤال ورد إليه نصه: بعض الناس ممكن يصلي وممكن في وقت تاني نشوفه يعاكس بنت أو يتحرش بالبنات أو ينظر إلى ما حرم الله.. فما الحكم؟.
علي جمعة: اللي هيتحرش بعد كده هيقطعوله راسه وأيديه
علق علي جمعة، عضو هيئة كبار العلماء بالأزهر الشريف، ومفتي الجمهورية السابق، خلال برنامج من مصر، المذاع على فضائية cbc، ويقدمه الإعلامي عمرو خليل، ساخرا: اللي هيتحرش بعد كده هيقطعوله راسه وأيديه وهيخلوه ماشي من غير رقبة.
وأضاف علي جمعة، قائلا: لما نقول متتحرشوش نلاقي البعض يقول طيب هي ما تلبسش، دا كلام نقوله لها هي، لكن بنقول لك يا متعوس لو مديت إيديك عليها هنقطعهالك، فحاسب على روحك.
وأوضح مفتي الجمهورية السابق: أعتقد لا يوجد شخص بيصلي ثم يتحرش، بيتهيألي دا مش موجود، متابعًا: نقول للمتحرش توب إلى الله سبحانه وتعالى واقلع عن كل معصية، وكمان نقول للمتحرش صلي علشان الصلاة هتساعدك في التغلب على نفسك.
على جانب أخر، قال الدكتور علي جمعة، رئيس اللجنة الدينية بمجلس الشيوخ، وعضو هيئة كبار العلماء بالأزهر الشريف، ومفتي الجمهورية السابق، إن متوسط مدة خطبة النبي لصلاة الجمعة كانت من 9 إلى 11 دقيقة وإجمالي الصلاة نحو 30 دقيقة.
