فريدة سيف النصر: يسرا ونادية الجندي وعمرو دياب دفعوني لكتابة رسالة عتاب لـ مهاجمي الفن
أثارت الفنانة فريدة سيف النصر ضجة كبيرة، بتعبيرها عن استيائها الشديد من الهجوم على الفنانين، مؤكدة أن لهم دورا قويا في المجتمع، لأنهم سبب في توفير دخل حوالي 14 مليون شخص، ما بين عامل في مسلسل، أو كاتب أو مخرج وغيره.
وقالت فريدة سيف النصر لـ القاهرة 24، إن السبب الذي دفعها لكتابة البوست هو السخرية التي شهدتها مؤخرًا على أكثر من فنان، قائلة: نشروا فيديو ليسرا وبيقولوا كبرت ونادية الجندي يقولوا لها روحي موتي، وعمر دياب يقولوا له عجزت على الحركات دي، وراغب علامة يقولوا له إيه رقصة الكونغودي، إيه القرف ده.
وأضافت: إحنا تمن مليون عامل، لكن اللي بيحصل ده معناه أن في حرب على القوة الناعمة، وفي تسيب، والناس دي مزقوقة لشيء معين.
وتابعت: وماحدش انتقدني في الكلام اللي كتبته لأن في بيني وبين جمهوري احترام والناس مش عبيطة، اللي بيحترم نفسه الناس بتحترمه.
فريدة سيف النصر تدافع عن محمد رمضان
ودافعت فريدة سيف النصر، عن الفنان محمد رمضان بعد الانتقادات التي تعرض لها مؤخرًا بسبب بالفيديو المنسوب إليه وطريقة دفاعه عن نفسه التي وصفها البعض بغير اللائقة.
وقالت فريدة سيف النصر لـ القاهرة 24: رد محمد رمضان على الفيديو المنسوب ليه أقل واجب، لو ما ردش كده مكنش يبقى راجل، ده ابن بلد مش من الزمالك وطلع عين أبوه ده كده مؤدب في رده، هاجمني زي ما أنت عايز لكن تتكلم في عرضي أشعلقك، مستغربة الناس اللي صدقت الفيديو المنتشر مع أن كل أهل أسوان والأفارقة شبهه.. واللي مش عاجبهم رده يولعوا بجاز، هما مستنين منه يقول سوري كده عشان يبان ناعم ومايص لكن رده رجولة.
