الراقصة صفوة: اكتشفت في الصباحية إن زوجي الثاني عنده شبه إعاقة.. وتزوجته بعد انتهاء العدة مباشرة
تحدثت الراقصة صفوة عن تفاصيل زيجتها الثانية وخطوات دخولها مجال الرقص والمجال الفني، مشيرةً إلى أنها تزوجت المرة الثانية وهي في سن العشرين من عمرها.
وقالت صفوة، في تصريحات تلفزيونية: كنت أعمل سكرتيرة في إحدى الشركات المعروفة في محافظة الإسماعيلية، وكان هناك أحد العملاء لدينا يعمل محاسب علم أنني اتطلقت مؤخرًا، وكان ميسور الحال لأنه عمل لمدة 14 عاما في الكويت.
وأضافت صفوة: بدون ما أفكر وبدون ما أحبه اتجوزته وعملي فرح أسطوري وشقة فظيعة وكل حاجة فوق الخيال واتجوزني بعد آخر يوم في العِدة، وأخدني الإسكندرية نزورها وقعدنا في نادي ليلي وعجبتني من هنا الأجواء دي وخدت البدلة من الراقصة، وقعدت ألح عليه أشتغل راقصة وأدخل المجال الفني.
صفوة: لو كنت طلبت من زوجي الثاني يشنق نفسه هيعملها
وتابعت: هو كان أكبر مني بكتير، وكان عنده مشاكل نفسية وبيهيس شويه ومشاكل جسدية واتفاجئت بالموضوع ده ليلة الصباحية، وقولت لأهلي عنده شبه إعاقة، وهو بقى حاسس بضعف ديمًا، وكان بيعملي أي حاجة يعني لو قولتله قوم أشنق نفسك كان هيشنق نفسه، وكان بيديني الفلوس اللي عايزاها ولما طلبت منه إني أدخل مجال الفن وافق، ولو رجع بيا الزمن مكنتش هكمل أبدًا وفيه ستات زيي كده كتير جدًا، الفايدة الوحيدة إنه دخلني مجال الفن بفلوسي ومدخلتوش عشان أتربح منه.
