مش شايفة إني عملت حاجة غلط.. ننشر أقوال المتهمة في حادث جيت سكي مارينا| خاص
كشفت التحقيقات تفاصيل مثيرة في واقعة حادث تصادم بين موتوسيكل مائي جيت سكى ومركب بمارينا 2، أسفر عن وفاة صيدلي، وابنه، أن سائق اللانش كان يسحب تيوب عليه أربعة أشخاص -المتوفى والمصابين-، وفوجئ بالـ الجيت سكي يصطدم باللانش، ومرفق بالأوراق محضر التحريات المؤرخ 27 يوليو.
حادث جيت سكي حادث مارينا
وأفادت التحقيقات بأن واقعة التصادم غير مقصودة، وبالاطلاع على تقرير مفتش الصحة فقد أسفرت التحريات عن عدم وجود شبهة جنائية بالوفاة، وقد تبين لنا وجود كل من الطرف الأول والثاني المتهمين قائدي المركبات المائية.
جاءت التحقيقات بأقوال المتهمة في حادث تصادم بمارينا، موتوسيكل مائي جيت سكى ومركب بمارينا 2، أسفر عن وفاة صيدلي ونجله في الحادث كالتالي:
س: ما اسمك ؟
ج: اسمى آية المحمدي رزق مراد السن 19، أعمل طالبة أحمل الجنسية الألمانية.
س: ما قولك فيما هو منسوب إليكِ من أنك متهمة بإحداث إصابة كل من جينا تاضروس أیوب ویوسف دريم سمير يونان وسما دريم سمير، بأن كان ذلك نشأ عن إهمالك ورعونتك وعدم مراعاتك للقوانين واللوائح بأن قمتي بقيادة الدراجة المائية بطريقة ينجم عنها الخطر فأحدث إصابة المجني عليهم الموصوفة بالأوراق والتي أعجزتهم عن أشغالهم الشخصية لمدة تزيد عن ٢٠ يوما على النحو المذكور بالأوراق.
ج: محصلش.
س: ما قولك فيما هو منسوب إليك من أنك متهمة بالتسبب خطأ في وفاة المجني عليه دريم سمير يونان بان كان ذلك ناشئا عن إهمالك ورعونتك وعدم مراعاتك للقوانين واللوائح قمتي بقيادة الدراجة المائية بطريقة ينجم عنها الخطر مما تسبب في وقوع حادث وحتى إصابة المجني عليه الموصوفة بالتقرير الطبي المرفق بالأوراق والتی أودت بحياته على النحو المبين بالتحقيقات؟
ج: محصلش.
س: ما الذي حدث إذا وما هي ظروف ضبطك أمامنا؟
ج: اللي حصل أنا أجرت الجيت سكي في البحيرة اللي في مارينا من مارينا 3 التابع لمجموعة واحد اسمه جعفر شواطئ Seagull، وأنا لما طلعت بالجیت سكی ألعب وكان اللي مأجره والد صاحبتي، وبعدين حسيت إن الوقت بتاع الإيحار خلص وكنت راجعة تاني ناحية الشاطئ واللانش كان ماشي عكس اتجاهي، وأنا مكنتش عارفة إن في توب ماشي ورايا بالحبل وبعدين فجأة مفيش ثانية واحدة سمعت حد بيزعق بيقول حاجة ولسة ببص قدامي لقيت نفسي بخبط في التوب وحصلت الحادثة، وأنا معرفتش أتجنب التوب لأني اتفاجئت به قدامي وبعد كدا نزلت المياه أساعد الراجل اللى مات وكنت بشيله من المياه جامد، لأنه كان تقيل وكنت منهارة من امبارح وبفكر في اللي حصل وبعد كدا روحت القسم حكيت اللي حصل وجينا على هنا.
س: من من كان برفقتك آنذاك؟
ج: كنت لوحدي.
س: ملك من الدراجة المائية قيادتك؟
ج: والد صاحبتي هو اللي كان مأجر الجيت سكى ده من جعفر التابع لمجموعة مطاعم seagull
س: هل قمت بقيادة تلك الدراجة المانية في المكان المصرح بذلك؟
ج: أيوة أنا كنت سابقة في المكان بتاع ألعاب المياه بعيد عن الناس ومناطق السياحة.
س: هل كانت قيادتك في حدود المسافة الآمنة من المتاحة محل الحادث وفي محدود السرعة الآمنة؟
ج: أيوة أنا أول مرة كنت أسوق الجيت سكي ده ومكنتش عارفة في الأول أسوق كويس بس الراجل علمني أمشي به إزاي لحد ما طلعت في المكان المفتوح والمساحة الكبيرة وكنت سابقة كويس ومتحكمة فيه ومكنتش بقرب من حد.
س: هل كان برفقتك آخرين يقودون ذات نوع الدراجة المانية قيادتك؟
ج: أيوة أختي كان معاها جيت سكي وصاحبتي كمان وكانوا معايا في البحيرة
س: ما هو موقع سالفي الذكر منك تحديدا بمحل الحادث؟
ج: مش عارفة.
س: من محل الواقعة وانشغالك بالالتفات لسالفي الذكر حال قيادتك للدراجة المانية أو قمتم بالتسارع مع بعضكم؟
ج: لا خالص انا معرفش هما كانوا فين أنا كنت سايقه لوحدي.
س: ما هي كيفية وقوع ذلك الحادث؟
ج: أنا اتفاجئت بالتيوب قدامي في أقل من ثانية لسه ببض قدامي لقيته وملحقتش أعمل أي حاجة.
س: من المتسبب الأكبر من حيث وقوع ذلك الحالات؟
ج: أنا مش شايفة إني عملت حاجة كل الحكاية إني مشفتهومش قدامي خالص.
س: ما قولك فيما تبين في مقطع الفيديو تحديد بالحادث؟
ج: أنا مشفتهمش قدامي خالص ومن الزاوية اللي أنا كنت جاية منها ملحقتش أصلا أعمل أي حاجه واللانش كان ماشي بسرعة، وأنا كمان كنت ماشية بسرعة وكنا ماشي عكس بعض فعقبال ما هما جم ناحية اليمين وشوفتهم مكنش في ايدي حاجه أعملها.
س: ما قولك فيما ورد بأقوال كل من المصابين حينا تاضروس أیوب وسما دریم سمیر وسما دريم سمير، بمحضر جمع الاستدلالات المدون أقوالهم عليها؟
ج: الكلام ده محصلش وانا مش فاكره إني قربت من اللانش خالص أو مشفتهمش قبل الحادثة.
س: ما قولك فيما ورد بالتقرير الخاص بالمتوفى لرحمة مولاه دريم سمير يونان "تلوناه؟
ج: الإصابات ديه حصلت من الحادثة وأنا مكنتش أقصد والموضوع كان قضاء وقدر وأنا لما، كنت ماسكاه هو مكنش مات وكان عايش.
س: ما هي طبيعة علاقتك بكل من المتوفي والمصابين من أهلية سالفي الذكر وهل من ثمة وهل سابق معرفة أو خلافات؟
ج: أنا معرفهمش خالص قبل كده ومفيش خلافات وأول مرة أشوف الناس ديه في حياتي.
س: ما قولك فيما ورد أقوال الطرف الثاني محمد عبد الرحمن علي موسى بمحضر جمع الاستدلالات "تلونا أقواله عليه"؟
ج: الكلام ده هو اللي حصل فعلا والموضوع كان حادثة مش مقصودة.
س: ما هي طبيعة علاقتك بسالف الذكر وهل من ثمة سابق معرفة أو خلافات؟
ج: انا معرفش حد من الناس ديه خالص قبل كده.
س: ما قولك فيما ورد بمحضر التحريات المؤرخ 2022/7/27 والمحور بمعرفة الرائد فايد "تلوناه عليه؟
ج: أنا مكنتش أقصد حاجه والموضوع كان حادث.
س: من ما هي طبيعة علاقتك بسالف الذكر وهل من ثمة سابق معرفة أو خلافات؟
ج: معرفهوش قبل كده.
