سعد الصغير: الليثي مرض علشان بوسي معزمتناش على فرحها.. اللي يتبرى من أهله وصحابه معندوش أصل
علق الفنان سعد الصغير على موقف عدم دعوة بوسي له وللمطرب الشعبي محمود الليثي، على حفل زفافها من هشام ربيع، الذي أقيم خلال الأشهر الماضية في أحد فنادق القاهرة.
وقال سعد الصغير لـ القاهرة 24، إنه انتابه شعور الحزن، وكان الليثي يشاركه نفس الشعور، ومرض بسبب ذلك الأمر وتناول العديد من الأدوية.
وأضاف: أبوها مات ومش راضي عنها، واللي يتبرى من أهله وصحابه يبقى معندوش أصل، احنا لما روحنا جبنا الشقة لأبوها وصرفنا 150 ألف جنيه قولتلها تعالي معانا أنتي اللي عملتي ده، بعتتلي مدير أعمالها وقالتلي طلع نفسك بره الموضوع.
وتابع: زعلان من بوسي جدًا حتى لو أبوها كان جاحد معاها، إحنا بنروح عزاء ناس مبنعرفهمش؛ تعتبر إنه بتاع أمن غلبان تروح تديله أي حاجة.. دي بتنزل من العربية وتدي بتاع الركنة 100 جنيه.. اعتبريه شغال معاكي في الفرقة.. الحنية محدش بيشتريها، أحمد السبكي وقف معاكي لما كان جوزك حابسك، وحمدي بدر ده اللي عملك ومعزمتناش في فرحها، وإحنا بالنسبة لها بيئة.
مشكلة سعد الصغير مع أرملة شقيقه
واجه سعد الصغير خلال الأيام الماضية، مشكلة مع أرملة شقيقه، وذلك بعد اتهامها له بعدم إعطائها باقي مستحقاتها المادية، وتعرضها لمحاولة اختطاف وذلك منذ بضعة سنوات، ولكن أشار سعد في تصريحات سابقة لـ القاهرة 24، إنها عندما جاءت له منذ ما يزيد عن 10 أعوام وطلبت منه أموالًا، قام بإعطائها مبلغًا لتقوم بتأجير شقة تسكن بها وتعينها على الحياة، نافيًا ما رددته.
