أبو الليف: سمعت إن حسن شاكوش دفع رشوة لنقابة الموسيقيين عشان يرجع يغني
زعم الفنان نادر أبو الليف، أن مغني المهرجانات الشعبية حسن شاكوش، دفع رشوة لأعضاء مجلس نقابة الموسيقيين؛ من أجل العودة للغناء مرة أخرى، وادعى أن النقابة تعاني من الفساد، على حد قوله.
وقال أبو الليف، في تصريحات تلفزيونية: النقابة بتتنهب، لازم نشوف مين اللي بيلعب ومين اللي بياكل، أنا سمعت إن الأستاذ حسن شاكوش دفع 500 ألف جنيه لحد، و700 ألف جنيه للأعضاء في المجلس علشان يرجع يغني تاني وياخد التصريح، أنا سمعت الكلام ده.
وأشار أبو الليف، إلى أن أعضاء مجلس نقابة المهن التمثيلية، يعطون تصريحات لمطربي المهرجانات الشعبية؛ لإقامة الحفلات بمقابل مادي، موضحًا: المجلس بيشغل بتوع المهرجانات في الساحل زي الفل، واللي بيشغلوا بتوع المهرجانات بياخدوا فلوس، بياخدوا أرقام يا فندم، ولو صاحب المكان مدفعش بيعملوا له مصيبة سودا، وممكن يقفلوا المكان.
جدير بالذكر أن القاهرة 24 تواصل في وقت سابق مع أحد المسؤولين في نقابة المهن الموسيقية، والذي نفى ما تردد حول تقاضي أحد الأعضاء مبلغ مالي مقابل عودة حسن شاكوش، قائلًا: اللي عنده إثبات على هذه الاتهامات يتقدم بمستندات للرقابة.
أبو الليف
وسبق وهاجم الفنان نادر أبو الليف، نقابة المهن الموسيقية؛ بسبب تجاهل أعضاء المجلس له، بعد الأزمة الصحية التي تعرض لها الفترة الماضية، وإجرائه عملية جراحية على نفقته الخاصة.
وقال أبو الليف، في تصريحات تلفزيونية سابقة: حلو تاخد مني ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل، وحلمي عبد الباقي مش في إيديه الإمكانيات أنه يعمل لي حاجة، أنا معاشي 900 جنيه هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني.
