كنت مادي وأنا صغير وتاريخي يقول إني رقم واحد.. أبرز تصريحات عمرو مصطفى في أجمد 7 على نجوم FM
حل الفنان عمرو مصطفى، ضيفًا على المذيعة جيهان عبد الله، في برنامجها أجمد 7، المذاع عبر محطة نجوم FM، وتحدث خلال الحلقة عن مشواره الفني، كما كشف عن العديد من التعاونات التي ستطرح خلال الفترة المقبلة.
ويعرض لكم القاهرة 24 أبرز تصريحات عمرو مصطفى في برنامج أجمد 7 على نجوم FM
- قررت أعمل 55 أغنية في السنة وأدخل تحدي بعدد الأغاني وبعد كده ممكن أطرحهم في ألبوم ولغاية يوم 20 يوليو السنة الجاية أكون طرحت 55 أغنية.
- أنا بلحن من 23 سنة بدأت تلحين صغير وأنا عندي 18 سنة، وفجأة بعد كورونا والثورات وقفت مع نفسي وقلت العمر جري وعايز أسيب لأولادي أغاني كثيرة.
- شهادتي مجروحة عن زملائي ولا أحب أقول رأيي فيهم ولا أحب أيضًا أن يقولوا رأيهم فيّ، في النهاية الجمهور هو اللي يحكم مش الزملاء وهذا ما تعلمت السنوات الماضية ومن خبرتي كـملحن.
- عندنا مشكلة في مصر إن كل مزيكتنا شبه بعض وكل الموزعين يستخدمون نفس الآلات فكأنه صوت واحد.
- أنا نازل بأغاني كتيرة أبرزهم مع دنيا سمير غانم ومحمد حماقي وسأتعاون مع أنغام لأول مرة.
- هتلاقوا عمرو مصطفى بيغني راب وتراب، لأن فيه جيلين حصل فيهم مشكلة بين الأب والأبناء حصل بينهم فجوة في الموسيقى.
- أي نوع موسيقى أقدمه هيرقص الناس وتكون نقلة موسيقية.
- فيه 12 أغنية سواد من الـ55 اللي هيبقوا جاهزين في نهاية الصيف ومع بدء الشتاء، وهبتدي بأغاني الرقص وبعد كده أنكد على الجمهور في الآخر.
- بحب المشاهدات الأورجانيك، وأنا أخذ فلوس ولا أدفع ونجاحي هو نجاح الشارع.. وليه أدفع فلوس في جلب مشاهدات؟ عشان الناس تقول لي أنت ناجح؟.
- فيه ناس عندها 10 ملايين على يوتيوب ولا مفيش حد بيسمعهم من غير ما يدفعوا.
- سأطرح أغنية قريبًا ستكون أغنية الأفراح الأولى لمدة 20 سنة.
- من 2016 كانت عارف إن الصناعة رايحة في داهية، ولكن من سنتين بدأت أذاكر.
- مفيش رقم واحد، من تواضع لله رفعه، وتاريخي يقول إني رقم واحد مش أنا اللي بقول.
- أنا كنت مادي جدًا وأنا صغير ولكن اعترفت بخطأي وغيّرت من نفسي.
