بأكواد شحن.. حملة تبرع جديدة للطفلة سيلين المصابة بالضمور العضلي للحصول على الحقنة الأغلى بالعالم
نشرت رضوى حمدي والدة الطفلة سيلين، المصابة بـ الضمور العضلي، عبر حسابها على موقع التواصل الاجتماعي فيس بوك، كارت شحن، يتبرع فيه صاحبه إلى طفلتها لاستكمال المبلغ للحصول على الحقنة الأغلى في العالم.
حملة تبرع جديدة لسيلين طفلة الضمور العضلي
وكتبت الأم في منشورها: أنا بتحدى كل واحد هنا يتبرع بـ 25 جنيه، وينزل صورة الإيصال في كومنت، أو لو مش حابب يظهر ممكن يبعتهالي، وأنا وعد مني قدام الله هضاعف المبلغ لعيون سيلين.
وأضافت رضوى: عايزين نصحى من النوم نصبح على سيلين بحاجة بسيطة كلنا، ويا سلام لو كل واحد قبل التحدي، وهو كمان تحدى ناس من صحابه، لو كل واحد دفع 25 جنيه حاجة بسيطة جدًا في مقدرة الجميع، بس هتفرق مع سيلين أوي، محدش يقول دول 40 مليون، الـ 25 جنيه مش هيعملوا حاجة.. لأ هما هيعملو كتير أوي.
تضامن كبير مع الطفلة سيلين
وسرعان ما تضامن رواد مواقع التواصل الاجتماعي مع الحملة الجديدة حتى قَبل العديد منهم التحدي، ونشروا كارت الشحن الخاص بهم عبر كومنت على منشور الأم.
وفي وقت سابق، استغاثت رضوى حمدي والدة الطفلة سيلين بالمسؤولين، لسرعة حصول طفلتها على حقنة الضمور العضلي، البالغ تكلفتها 40 مليون جنيه.
وقاتلت الأم في تصريحات خاصة لـ القاهرة 24: الأطباء أكدوا إصابة سيلين بالضمور العضلي الشوكي، بنسبة 90%، ولازم بينتي تاخد الحقنة خلال الشهر ده، قبل ما تم سنتين.
