شريك المتهم بقتل شيماء جمال: القاضي خشي أن تقوم زوجته بأخذ أموال من المتقاضين جهة عمله

يواصل القاهرة 24 نشر التحقيقات في القضية مقتل المذيعة شيماء جمال التي حملت رقم 10229 لسنة 2022 جنايات البدرشين المقيدة برقم 2118 لسنة 2022 كلي جنوب الجيزة المقيدة برقم 13 لسنة 2022 حصر تحقيق نيابة استئناف القاهرة.

اعترافات المتهم الثاني في واقعة مقتل المذيعة شيماء جمال

وكشفت اعترافات حسين إبراهيم الغرابلي، المتهم الثاني، أن المتهم أيمن حجاج خشي أن تقوم زوجته المذيعة شيماء جمال بأخذ المبالغ المالية من المتقاضين جهة عمله في الدعاوى المنظورة الذين كانت تتوسط لهم في القضايا، كما خشي أن تكون لديها نسخة أخرى من الأوراق، مشيرا إلى أن هذا الأمر كان من ضمن الدافع وراء ارتكابه جريمة القتل.

وأدلى المتهم حسين إبراهيم الغرابلي باعترافات تفصيلية أمام جهات التحقيق قائلا:  أنا عايز أقول إني أعرف المستشار أيمن عبد الفتاح من حوالي 20  سنة لأنه كان بيتاجر في العربيات، وأنا كنت بوديله العربيات للمعارض وكنت باخد حسنتي وبعد كده أنا سافرت الإمارات سنة ورجعت فتحت مكتب عقارات وهو كان بيتاجر في الشقق والعقارات وكنت ساعات بشتغل معاه أبيع له شقة أو أشطب  له عمارة وبعدين أنا اشتغلت في المقاولات وكنت برضه يشتغل معاه وعلاقتنا اتقطعت مع بعض من سنة 2010 حتى سنة 2016.

وأضاف المتهم أنه علم بوفاة نجلة في حادث وقدم واجب العزاء، وكان بينهم فقط للاطمئنان على فترات، دون أن تربطها مصالح، مشيرة إلى أنه تواصل معه من سنة مضت، من أجل أن يعرض عليه مشاركته في قطعة أرض، وطلب منه أن يأخذ شقة لكنه رفض، ثم عاود الأتصال معه مرة أخرى بعدها بشهرين حيث، ووثقا عقد وأعطاه مبلغ  80 ألف جنيه مقدم، وكان باقي مبلغ 20 ألف جنيه، وكنت دائم الأتصال به  من 
أجل أعطاءه الأموال.

التحقيقات تكشف خداع قاتل شيماء جمال للأجهزة الأمنية بأكذوبة سفرهما إلى دبي

جنزير حديد وزجاجة خضراء.. التحقيقات تكشف مفاجآت فى قبر شيماء جمال

وتابع: كان مش بيرد عليا وكان بيقولي أنا مشغول أنا مش معايا فلوس لحد من حوالي شهر ونص فاتوا رد عليا وحسيت إنه بدأ يجر معايا ناعم وبعدين قالي تعالى نتقابل في كافيه اسمه الحصن ورحت قعدت معاه، وساعتها قالي بقولك إيه شوفلنا مزرعة حلوة كده تتأجرها فقولتله ليه فقالي علشان لو معايا مصلحة أو مزتين نقعد قعدة حلوة فقولتله ماشي، وبدأت أدور على المزرعة فعلًا، وفي ظرف يومين عرفت أجيب مزرعة كويسة في البدرشين، وقولتله عليها وكان إيجارها 8 ألاف جنيه في الشه،  وكان  مسافر الغردقة لإنه شغال في الغردقة ولما رجع قعدت معاه، وبعد كده رحنا شوفنا المزرعة وعجبته وقالي تمام، وكمل باقي التشطيب،وكلمنا الراجل صاحب المزرعة وأسمه الحاج عامر علشان يبعتلنا العقود علشان نمضيها وبالفعل جت العقود مع أبن الحاج عامر وجالنا عند المزرعة والمستشار أيمن مضى نسختين من العقد.

وأكمل: أبن صاحب المزرعة خد نسخة والمستشار أيمن خد نسخة وإدهاني قالي خليها معاك ومشينا وقالي قابلني على قهوة الحصن في، المهندسين بالليل، ولما اتقابلنا بالليل قالي أنا متجوز واحدة عرفي وعملالي مشاكل جامدة وعاوزة مني 3 مليون جنيه علشان أطلقها بدون مشاكل، ولما أنا قولتله ليه المبلغ ده كله قالي دي ست استغلالية وأنا مش عاوز شوشرة فأنا قولتله الحكاية مش مستهاة الرجالة كلها متجوزة عرفي على نسوانها، فقالي هي بتهددني وعاوزة تروح الشغل وتفضحني وعاوزة تروح تقول لمراتي، وأنا عاوز أوهمها أن المزرعة بتعتها وهكتبها باسمها علشان أخلص منها وأطلقها.