ابنة حسن أبو السعود: سأعيد تقديم أغاني والدي بستجيل وتوزيع جديد
قالت رنا، ابنة الموسيقار الراحل حسن أبو السعود، أنها تتمنى تقديم أعمال والدها بصوتها وألحانها، خاصة وأنه أشاد بموهبتها منذ طفولتها.
وأضافت رنا حسن أبو السعود، خلال حوارها مع القاهرة 24: أتمنى إعادة تقديم أعمال والدي بشكل جديد، الفكرة جاءت لي من قريب، وأعزم على غناء أغانيه بتسجيل وتوزيع جديد.
وتابعت رنا حسن أبو السعود: أنا واخدة صفات شخصية من والدي، زي السرحان القوي جدًا كان ممكن وأنتي بتتكلمي معاه ومركز أوي يسرح مرة واحدة، أنا للأسف واخدة الموضوع ده، غير كده بيقولوا إني شبهه، وطباعي في البيت زيه وحتة الفن بقى إني بغني وبلحن وبعزف، طبعًا مش بمهارته ولا 1% حتى، ولكن الحتة الفنية دي أنا أكتر واحدة في اخواتي اللي واخدة إلى حد ما الجينات.
واستكملت حديثها قائلة: هو كان مهتم أوي وإحنا صغيرين يشوف مين من ولاده هيطلع بيحب الموسيقى والفن، كان جايبلنا كيبورد صغير أوي وبيقعد معانا على السرير، ويقول أنا هعمل نغمة بـ فمي وهشوف مين فيكم هيعرف يطلعها، كنت أنا لحسن الحظ بعرف أعزفها، مكنش بيصدق وبيقولي أنتي موهوبة وهتطلعي زيي.
أماعن سبب تأخرها في دخول الوسط الفني، فقالت: مش موجودة في الوسط الفني، لأني أخدت قرار إني أفن الأول، وكنت مركز أوي في الولاد أنهم يكبروا ويتربوا ويدخلوا مدارس كويسة، فمكنش في بالي، لكن لما لقيت أن الموضوع بقى في حرية في الوقت شوية، قولت أركز بقى وأطلع الموهبة، موضوع التلحين خدته جد شوية وبدأت أسمع ناس ونجوم جامدة حاجات، وإن شاء الله هينزل حاجات قريب.
