حسام حبيب عن تصريحات شيرين: كنت ساكت حفاظًا على سمعتها.. وأتعرض للابتزاز وهرد بالمستندات
رد الفنان حسام حبيب على تصريحات شيرين عبد الوهاب، بشأن سرقته لسيارتها وتهديده لها، مؤكدًا أنه سيتخذ إجراء قانوني ضدها.
وقال حسام حبيب لـ et بالعربي: أكيد هاخد إجراء قانوني ضد شيرين، أنا عمري ما دافعت عن نفسي ولا أتكلمت ودا كلام كله مرسل وهرد عليها بالأدلة والمستندات.
وواصل حسام حبيب: كنت ساكت حفاظًا عليها وعلى سمعتها وعلى بيتها مكنتش بتكلم، بس أنا هتكلم طبعًا دلوقتي لأن الكلام بقى كتير وزيادة وأنا مبعرفش أقول كلام مرسل ولا أفتري على حد.
وأضاف حسام حبيب: أنا بتعرض للابتزاز عشان أسمع الكلام وبتهدد وأنا مش مستعجل ولكني بظبط إزاي هرد عليها بالحقائق وكلامي في الإعلام هيكون مختلف وله مستندات.
وسبق وقالت شيرين عبد الوهاب في تصريحات تلفزيونية، إنها تعرضت للتهديد منه عدة مرات وهددها بالسلاح كما أنها كانت تعيش حبيسة في المنزل بسبب حب الامتلاك الذي كان يعاني منه حسام حبيب، مؤكدة أن سبب صمتها الفترة الماضية كان بهدف التخلص منه.
وأضافت خلال تصريحات تلفزيونية: لو روحت عملت حفلة أو فرح ناجح ينكد عليا ويقولي كنتي ماكسة الراجل كده ليه والواد بيعمل معاكي كده ليه؟ أقوله ده قد ابني ولو عملت إعلان ناجح زي إعلان بنك مصر، وأبقى تريند والناس مبسوطة بيا، لازم ينكد عليا، ويبوظ اليوم.
وتابعت: تم طلاقنا بعد حلق رأسي وكان طلاق بائن، وبعد أن هدأت من الكارثة، شعرت أني لا أستطيع الاستغناء عنه ولازم أديله فرصة تانية، وإن مينفعش نبعد عن بعض بفجر في الخصومة، وكنت مؤمنة أن العلاقة مقدسة، وكنت بحبه وفاكراه ابني مش جوزي، وعملتله استوديو لشغلنا، وقمت بشراء كل الأغاني التي أعجبته بشيكات باسمي عشان متروحش منه.
