سلوى عثمان: الصعايدة زمان كانوا بيقتلوا بناتهم بحجة الشرف.. ولو حبت راجل بيشوفوها فاجرة
تحدثت الفنانة سلوى عثمان عن عادات الصعيد في الماضي، موضحة أن الصعايدة كانوا متعصبين لفكرة الشرف، بجانب الحديث عن دورها في فيلم كيرة والجن.
وقالت سلوى عثمان لـ القاهرة 24: والصعايدة زمان كانوا متعصبين وممكن يقتلوا بناتهم بحجة الشرف والبنت اللي تحب راجل بتكون فاجرة بالنسبة لهم ما بالك لو واحدة قعدت مع راجل في بيت واحد دون زواج، وطبعا دلوقتي الوضع اختلف وبقوا متفتحين عن زمان لأن أولادهم بيجوا القاهرة يتعلموا وحصل حالة تنوير، وزمان نادرًا لما ست تتعلم أو تشتغل.. ولكن الوضع اختلف في العصر الحالي.
وواصلت سلوى عثمان: ولكن الصعايدة مازالوا متحفظين عن أهل القاهرة ومسألة الشرف مش بيختلفوا عليها، ولما جسدت شخصية واحدة صعيدية أيام 1919 في فيلم كيرة والجن كنت خايفة طيبتي تأثر على الشخصية لأنها قاسية، وشافت بنتها فاجرة لأنها قعدت مع راجل في بيت واحد وكنت بحاول أقنع نفسي بـ معتقدات الشخصية ومكنش دا سهل عليا لدرجة أني سألت المخرج مروان حامد إزاي الشخصية بدون مشاعر كدا.
فيلم كيرة والجن
وعلى جانب آخر، شاركت سلوى عثمان في فيلم كيرة والجن والذي حقق نجاح غير مسبوق منذ عرضه، وضم عدد كبير من الفنانين، أبرزهم كريم عبد العزيز، أحمد عز وهند صبري، عارفة عبد الرسول، أحمد مالك، سيد رجب، ومن تأليف أحمد مراد، وإخراج مروان حامد.
