عمرو أديب: فيه ناس فاسدة بتقول يا ريت مصر تبقى زي سريلانكا.. طيب أنت هتستفيد ايه؟ | فيديو
علق الإعلامي عمرو أديب، على أحداث سريلانكا والاحتجاجات الشعبية التي تضمنت اقتحام القصر الرئاسي والعبث بمحتوياته، فيما اضطر رئيس البلاد للفرار قبل أن تتحدث تقارير لاحقا عن مغادرته للبلاد.
سيناريو الفوضى السياسية بسريلانكا
وقال أديب: في ناس بتقول يا ريت مصر تبقى زي سريلانكا، أنت وصلت للتدني وكره البلد إنك نفسها تولع؟.. فيه فاسدين وقتلة تمنوا تكرار سيناريو الفوضى السياسية بسريلانكا في مصر.
وأضاف: جزء كبير من اللي إحنا فيه إن كان في ناس عاوزين مصر تبقى زي سريلانكا، ويدمروا مؤسساتها ونغني يا الميدان.. الناس اللي قاعدة بقالها يومين تلاتة يا ريت مصر تبقى زي سريلانكا ليه أنت وصلت للتدني دا؟
مصر عمرها ما كانت زي سيريلانكا
وأكمل الإعلامي عمرو أديب: مصر عمرها ما كانت زي سيريلانكا.. وايه الفائدة من الناس اللي عايزة مصر زيها؟
وتابع: ايه الأمنية الحقيرة دي؟.. أنا مش عايز أقول كلام الأعلى للإعلام يقعدني في البيت بسببه بلاش أتكلم.. البلد بتحاول تحط القرش على القرش.. ومصر لما تبقى زي سريلانكا وبعدين إيه الخطوة اللي بعدها.
