خدت 50 ألف جنيه.. سعد الصغير يرد على سيدة تطلب ميراثها الشرعي بزعم أنها أرملة شقيقه | مستندات
رد الفنان سعد الصغير على تعليقات سيدة تدعي أنها أرملة شقيقه الراحل محمد الصغير، التي أشارت خلالها إلى ظلمه لها وحرمانها من حصولها على ميراثها وحقها الشرعي بعد وفاة زوجها، مشيرًا إلى أنها ليس معها ما يثبت أنها زوجته بشكل رسمي
وقال سعد الصغير في تصريحات لـ القاهرة 24، أنها ليس معها ما يثبت أنها زوجته مضيفًا، أن لو حديثها صحيح ممكن أن تلجأ إلى القانون بالأوراق الرسمية التي معها وتطلب إعلام وراثة.
وتابع سعد الصغير: لو أخويا فعلا اتجوزك، أكيد في شهود ومأذون، لكن إنتي جيتي قبل كده من 16 سنة بعد ما محمد مات بـ سنتين وقولتيلي إنك متزوجة عرفي من أخويا واتجوزتي بعد محمد وجوزك طردك ووقتها كان في مشاكل بينكم، وخدتي مني حوالي 50 ألف جنيه لو أنا بنسي اطلعي قولي.
واستكمل سعد الصغير حديثه: لكن الست الأصيلة أم أولاده اللي لسه لابسه أسود عليه لحد دلوقتي وبقالها 18 سنة دي تتشال على الرأس، لكن حضرتك روحتي وخرجتي واتجوزتي وحطيتي أحمر، علشان كده وديت أولادها الكلية لأن أبوهم خيره على سعد الصغير وجبتلهم عربية وجبتلهم شقة لأنه من فضل أبوهم.
وواصل حديثه: أنا مالي دول الناس اللي ورثوا ولو إنتي ست تمام وعايزة تاخدي حقك هترفعي قضية على الناس اللي ورثت، وتأخذي حقك قانوني، ملوش لازمه اللي إنتِي قولتيه.
