والدة هنا الزاهد بعد تعرض ابنتها الصغرى للتحرش: مش هنستنى لما تدبح زي نيرة أشرف
عبّرت شيرين المنزولاي عن سعادتها بالقبض على المتحرش بابنتها البلوجر نور الزاهد، بعد تعرضها للتحرش، خلال وجودها بالقرب من أحد المراكز التجارية، ما دفعهم لاستدعاء الشرطة.
والدة نور الزاهد: الحمد لله اتقبض على المتحرش
وقالت والدة نور الزاهد، في تصريح خاص لـ القاهرة 24: الحمد لله اتقبض على المتحرش وهيتعرض على النيابة غدًا، وكان فيه تحرك سريع للقبض على المتحرش، وبقول لأي بنت ما تخافيش من حقها أنها تمشي بأمان، ومحدش يبص لها لأن في نظرة بتعريها، والمفروض أي بنت لها حق ترفض أي نظرة مش عجباها.
وأضافت: مع الوقت لو سكتنا واحد هيقتل واحدة زي نيرة أشرف، وما ينفعش نستنى.. إحنا بنعلم ولادنا ما يسكتوش على الصغيرة عشان ما يحصلش الحاجة الكبيرة.
وعبّرت فرح الزاهد عن استيائها الشديد لتعرض شقيقتها نور للتحرش، ونشر صورة للمتحرش عبر ستوري حسابها الخاص بموقع انستجرام، وعلقت عليها: طيب دلوقت الراجل ده متحرش واقف في مول مصر عمال يتحرش بالبنات وحاجة في منتهى قلة الأدب! مرحمش حتى أختي الصغيرة من المعاكسات والكلام الزبالة وعمال يغمزلها وحاجة تخدش حياء أي بنت.
وأوضحت فرح الزاهد: وهي واقفة عند البنك هي ووالدتي، فزعقوا فيه، يروح مبجح فيهم ويقل أدبه، ويقول: أنا معملتش حاجة، ومجتش جمبها، والناس حواليه عادي جدا، مفيش راجل واحد بس عايز يتكلم!، طلبنا النجدة، ويا رب يكون في استجابة سريعة؛ عشان نقضي على الأشكال الزبالة دي.
وتبلغ نور الزاهد من عمر 21 عامًا، إذ إنها من مواليد فبراير عام 2001، تصغر شقيقتها هنا بـ7 سنوات، وتهتم بالأزياء والموضة وتعمل بلوجر.
