حمو بيكا: هاني شاكر أخويا.. وراضي بحكمة ربنا ومش عايز الكارنيه
علق مطرب المهرجانات الشعبية حمو بيكا على الانتقادات التي تعرض لها عقب نشره للعديد من الصور له عبر فيسبوك تزامنًا مع استقالة الفنان هاني شاكر من نقابة المهن الموسيقية، وكتب على الصور: الوحش راجع يا شوية جواجع، مما اعتبره البعض شماته منه في استقالة هاني شاكر.
وكشف حمو بيكا حقيقة الأمر، في بث مباشر عبر حسابه على فيسبوك، قائلًا: هاني شاكر راجل مقامه كبير، على دماغي، وبحبه، ومفيش بيني وبينه أي مشكلة، وكنت زعلان إنه قدم استقالته، مع إني مش شغال في مصر وموقوف، ولكني مش زعلان.
حمو بيكا: راضي بحكمة ربنا ومش عايز الكارنيه
وأضاف بيكا: هاني شاكر أخويا الكبير، وبنتشرف بيه في كل حته.. أنا نزلت صورة مكتوب عليها: أنا راجع يا شوية جواجع، ودي أغنية جديدة مع نور التوت، لكن الناس فهموا غلط، وحرَّفوا كلامي، وأنا مش مستحمل والله العظيم تلاتة، كل واحد فيه اللي مكفيه، أنا موقوف ومش معايا الكارنيه، لكن راضي بحكمة ربنا، وألف شكر ليك يا رب إني ماشي على رجلي.
وأكد حمو بيكا، أن علاقته بـ هاني شاكر جيدة، ولا توجد أي خلافات بينهما، قائلًا: بقول لأستاذ هاني شاكر، أنا أخوك الصغير، وبحبك، ومفيش بيني وبينك أي حاجة، وقدَّرني زي ابنك، وأنا مش عاوز حاجة، ومش عاوز النقابة، أنا بس حبيت أوضح حقيقة تصريحاتي للجمهور، ولكل الناس اللي فهمت غلط، وإني مش قصدي أي إساءة.
