إسلام بحيري: الأزهر بياخد 26 مليار جنيه عشان يخرج شيوخ ودعاة يدمروا المجتمع المصري

علق إسلام بحيري، الكاتب والباحث الإسلامي، على تصريحات الشيخ مبروك عطية عقب قتل طالبة المنصورة نيرة أشرف؛ والتي قال فيها: عاوزة تحافظي على نفسك إلبسي قفة وإنتي خارجة.

ليرد البحيري في منشور له عبر موقع التواصل الاجتماعي فيس بوك، قائلا: الكلام اللي قاله المدعو مبروك عطية كارثة ومصيبة وفجور غير مسبوق هي بقت كده، اتحجبي أو هتتقتلي في مصر؟.

تعليق بحيري على مبروك عطية

وتابع البحيري: ده تدمير للإسلام نفسه، الراجل بيقول حكمة الحجاب هو حماية المرأة من القتل، وكمان تدمير لسمعة مصر ومجتمعها بشكل فاجر ووقح، الراجل بيقول اخرجي زي القفة، لأن اللي مش معاه فلوس، في المجتمع اللي حواليك وشاف جمالك هيقتلك.

وتسأل البحيري: هل ده المجتمع المصري كله بقوا قتلة وعصابات؟ وهل دي حكمة الحجاب ؟ عشان تحمي نفسها من القتل؟ معقول يصدر هذا الكلام من عاقل؟.

وأردف البحيري: اللي قاله مبروك عطية ده خطير خطير جدا، ويبرر ويفتح باب لألف نيرة جديدة الله يرحمها.

وتسأل البحيري في تعليقه أيضا: معقول الأزهر بياخد 26 مليار جنيه عشان يخرج شيوخ ودعاة يدمروا المجتمع المصري وسمعته ويدمروا صورة الإسلام بالشكل ده؟.

مبروك عطية عن حادثة ذبح فتاة المنصورة: لو حياتك غالية عليكي اخرجي من بيتك زي القُفة

نهاد أبو القمصان لـ مبروك عطية: نساء مصر ما تلبسش قُفَّة أنت اللي تلبسها.. وسأتقدم ببلاغ ضدك