عم طالبة المنصورة باكيًا: عايزين حق بنتنا.. دمها اترمى على الأرض
طالب محمد أحمد، عم طالبة المنصورة، والتي لقت مصرعها على يد زميلها، في واقعة جرى توثيقها في مقطع مصور، بالقصاص من قاتلها، قائلًا: عايزين حق بنتنا، دمها اترمى على الأرض، أنا عمها مش أبوها، ولو القاتل تقدم لخطبتها كان أخويا هيعرفني، ولكني سمعت أن القاتل تقدم ورفض 3 مرات.
وقال عم طالبة جامعة المنصورة، خلال تصريحات تليفزيونية، مساء الاثنين: طب أنت اتقدمت واترفضت تقوم تدبحها، في شرع مين؟.. أنت فيك ذرة إنسانية؟ هل أنت بتدبح فرخة؟.
وتابع عم الضحية: عايزينه يندبح في نفس المكان عشان ميتكررش الحادث تاني، إحنا في بلد قانون وشرطة وجيش.
ودخل عم طالبة المنصورة في حالة من البكاء، قائلًا: لسه مسنتين تصريح الدفن والإسعاف عشان نطلع ندفنها، والطالبة نيرة بنت أخويا عندها أختين متزوجين، ووالدها يعمل مدرس وإنسان محترم ووالدتها كانت تعمل في شركة الغزل والنسيج، وخرجت على المعاش منذ أكثر من 20 عامًا وتفرغت لتربية ابنتها نيرة.
وأضاف عم الضحية: نيرة كانت طالبة في إعلام ومتفوقة وكل الناس بتحبها، إحنا مش بندخل في شؤون ولادنا وصحابهم، ولكن بنربي ولادنا وبناتنا تربية صح ومش بندخل في حياتهم، أنا كعمها معرفش صحابها مين.
