شريف مدكور: مفيش حاجة اسمها زي ولادي.. ده الولاد بيبيعوا أبوهم
عبّر الإعلامي شريف مدكور عن رأيه في العديد من المفاهيم الأسرية، والمصطلحات المتداولة مؤخرًا في المجتمع المصري.
وكتب شريف مدكور عبر حسابه الشخصي على موقع التواصل الاجتماعي فيسبوك: مفيش حاجة اسمها دول زي ولادي.. إذا كان الولاد بيبيعوا أبوهم، ما بالك بقى باللي زي ولادك هيعملوا فيك إيه.. الحمد لله على كل شيء.
شريف مدكور يكشف أسباب عدم زواجه
وانتقد الجمهور شريف مدكور مؤخرًا، بعدما كشف أسباب عدم حذوه خطوة الزواج حتى الآن، حيث قال في تصريحات تليفزيونية سابقة: لم أتزوج لأنني لا أتحمل مسؤولية الزواج.. آه معايا فلوس لكن الفلوس ليست كل شيء.. ما عنديش خلق أصحى كل يوم ألاقي زوجة في وشي، وعيال رُضّع ودوشة وتربية لما يكبروا.
وأشار شريف مدكور، إلى أنه لا يستطيع الاستيقاظ يوميًا، ليجد بجانبه زوجة وأطفال يحتاجون إلى تربية، مردفًا: أنا بحب أصحى وأنام في هدوء، ومحدش يغير لي نظامي.. اللي مش قد حاجة ما يعملهاش.
شريف مدكور يشيد بمسلسل فاتن أمل حربي
في سياق مختلف، أشاد شريف مدكور، بمسلسل فاتن أمل حربي، الذي تم عرضه ضمن المارثون الرمضاني الماضي، وتناول قضية مهمة من قضايا المرأة، وهي حضانة الأم المطلقة للأبناء في حالة زواجها مرة أخرى.
وأضاف: الناس قالت ده مش موجود في المجتمع، انتوا بتهزروا ولا بتدفنوا رأسكم في الرمل.. ليه مش بتشوفوا محاكم الأسرة.. ده من أحسن المسلسلات في تاريخ الدراما المصرية، وبيورينا اللي بيحصل في البيوت ولا هنقعد نداوي في الجروح من غير حل عشان تعمل غرغرينا.
