بعيط بقالي يومين.. فاطمة المعدول عن عدم فوزها بجوائز الدولة: إحنا مش النادي الأهلي اللي مش عايز يخسر
علقت الكاتبة والأديبة فاطمة المعدول، على عدم توفيقها في الحصول على إحدى جوائز الدولة التي أعلنت عنها وزيرة الثقافة، موضحةً: بعيط بقالي يومين من كتر الحب، أقول سقطت فصعدت، ومش زعلانة واللي نجحوا يستاهلوها.
وأضافت المعدول في حوارها مع الإعلامية قصواء الخلالي، ببرنامج في المساء مع قصواء، مساء الجمعة: إحنا بنقع عشان نطلع، ولما عرفت النتيجة كنت بشتغل في رواية كنت رمياها بقالي سنة، هو إحنا النادي الأهلي اللي مش عاوز يخسر خالص؟ مينفعش، الحياة مكسب وخسارة، لازم نعرف ولادنا إننا هنقع ونقف من جديد.
صافحت رؤساء مصر السابقين
وتابعت الكاتبة والأديبة فاطمة المعدول، أنها صافحت رؤساء مصر السابقين جمال عبدالناصر ومحمد أنور السادات وحسني مبارك، مردفةً: "مينفعش ندخل في منافسة على الشهرة مع الفنانين، هم سابقينا، ودخلوا قلوب الناس وعايشين معاهم من خلال أدوارهم".
وأكدت المعدول: أنا مخرجة مش تركيبة أديب، انا بكتب للأطفال بس مخرجة أطفال مش كاتبة أطفال، وناشطة في مجال الطفل، وبقول لابنتي لو طلبوني أشتغل في قصر الطفل وهو فاضي ومخدش ولا مليم ومعايا 7 موظفين هشتغل من أول وجديد تاني وانزل كل يوم".
ولفتت الكاتبة والأديبة فاطمة المعدول، إلى أنها تتابع مواهب الأطفال عبر منصات السوشيال ميديا وتتحدث إلى الأطفال الموهوبين على مدار ساعات طويلة: "بتكلم مع أطفال مش بعرفهم ساعات، لأنهم الذخيرة اللي جاية، محدش بيفضل لوحده ومحدش هيخلد، البلد تحتاج ناس أحسن مننا وتستحق إن الأجيال الجاية تبقى كويسة".
