عمرو أديب لـ الإخوان: مين دعاكم للحوار الوطني.. أنتم قتلة
تعجب الإعلامي عمرو أديب، من دعوة الإخوان الإرهابية والمعارضة إلى الحوار الوطني، مضيفًا: مين قالك تعالوا إنتوا قتلة.. فجأة عايزين تقعدوا معانا ومين قال إنكم موجودين.. مش بتقولوا نظام قمعي؟ إزاي هتقعدوا معانا.
أضاف أديب عبر برنامج الحكاية مساء اليوم السبت: العجب كل العجب كان اليومين اللي فاتوا فيه ناس بتتكلم عن الحوار الوطني، ومحدش دعاها ولا هم من أهل العريس ولا أهل العروسة، الحوار الوطني دا حوار فيه أبناء الوطن وناس بتحافظ على الوطن مش تهده.
أكمل أديب: اللي بتسغرب منه إن جماعة الاخوان والمعارضة اللي في الخارج يحطوا شروط للحوار الوطني؟، إنتوا مالكم مين دعاكم؟.. مالكم بالحوار الوطني وعايز أفهم أنت مش شايف النظام في مصر قمعي ؟ ليه عايز تقعد معانا؟.
وتابع أديب: أنت يا ابني مش مدعي أنت والله مش وطني وأنتوا مش وطنيين هل مرة شوفتوا حد في الإخوان بيتكلم عن مصر؟ لا بيتكلموا عن الحاكم فقط.. ويطلعك أيمن نور ويقولك إحنا هنعمل تصور وعايزين نعمل إيه في الحوار الوطني أنت مالك انت داخل فيه ليه؟ دلوقتي حبكت تبقى في الحوار الوطني بقالك سنين ومقولتش أفكارك في الحوار الوطني فجأة بقى حلو الحوار الوطني.
