متحولة جنسيًا: أهلي قالولي لو نزل ملك من السماء وقالنا إنك بنت مش هنقبلك
قالت فريدة الفتاة المتحولة جنسيًا، إن عائلتها ترفض تحولها الجنسي تمامًا، مؤكدة أنها تعيش أجمل لحظات حياتها منذ إجراءها عملية التحول.
أنا بشر زيكم
وأضافت فريدة في تصريحات تلفزيونية قائلة: أنا بشر زيكم، أهلي رفضوا تحولي جنسيًا وقطعوا علاقتهم بيا، حاولت أروحلهم أختي رفضت، ومعتقدين إني خرجت عن الدين والملة، وقالولي لو نزل ملك من السماء وقالنا إنك بنت مش هنقبلك.
أهلي رافضيني
وأوضحت فريدة: أهلي بقالهم سنين رافضين يتعاملوا معايا، وتواصلت مع الخالة قريب جدًا في رمضان اللي فات.. والعملية كانت من أمتع اللحظات اللي عيشتها في حياتي، كنت في قمة السعادة.
واستكلمت: أنا اتربيت في دمياط، لكن حاليًا عايشة في قرية صغيرة، في كفر الدوار، ودخلت البلد بالصدفة.
وواصلت: بعد شهرين أو 3 حصلي حادثة، وانتقلت للمستشفى، وهناك الممرضة شافت خياطة في مكان غريب، وطلعت قالت للناس كلام غريب.
وتابعت: ساعتها طلعت التقارير وعرفتهم قصتي، والناس البسيطة دي تقبلوني جدًا وبقعد في وسطهم كأنهم أهلي، وعايشة معاهم وبحضر مناسباتهم.
