إعلامية تكشف حقيقة هروبها ليلة زفافها: مش هركب التريند على حساب نفسي
كشفت الإعلامية سما أحمد، حقيقة هروبها ليلة زفافها من مدينة الشيخ زايد، لافتة إلى أن والدتها تعرضت لوعكة صحية من فترة، فرشحت لها شخصًا لتتزوجه بهدف الاطمئنان عليها، موضحة: "والدتي تعبانة من فترة وجاتلها جلطة، والستات المصرية لما بيتعبوا بيحبوا يطمنوا على بناتهم، فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة".
وقالت سما، خلال تصريحات تليفزيونية، مساء اليوم السبت، إنها لا تعرف خطيبها جيدًا، وعرضت على والدتها أن تتيح لها الفرصة من خلال فترة للخطوبة للتعرف على شريك حياتها، إلا أن والدتها رفضت وطلبت أن تتزوج مباشرة.
وأردفت الإعلامية سما أحمد بـ: في 10 أيام بس اتفقوا هنكتب الكتاب ونجيب الفستان ولقيت نفسي بتجوز وأنا ماتكلمتش معاه ساعتين على بعض.. أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة بتهدور".
أخدت فستاني ومشيت
وأضافت سما أحمد: "أنا مخطوفة من بني آدم أول مرة يقعد جنبي، وأول مرة هيسمك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قولتله قدام الناس أنت شخص محترم وجميل وفيك كل الصفات الحلوة، أنا آسفة أنا مش قادرة أكمل.
واختتمت الإعلامية سما أحمد: "أخدت فستاني ومشيت ومش قادرة أواجه حد، الدنيا اتقلبت وقالوا هربت بس أنا مهربتش ولا عملت دا عشان أركب التريند، مش هركب التريند على حساب نفسي".
