مستريح جديد بالدقهلية ينصب على المواطنين في 200 مليون جنيه.. وإحدى الضحايا: خد شقى عمري
على خطى مستريح أسوان، ظهر مستريح جديد في محافظة الدقهلية نصب على المواطنين في مبلغ 200 مليون جنيه بحجة استيراد أجهزة كهربائية ومعدات وتسويقها في مصر.
مستريح الدقهلية ينصب على المواطنين في 200 مليون جنيه
وقالت سيدة تدعى سنية، إحدى ضحايا المستريح في تصريحات خاصة لـ القاهرة 24: عرفناه من فترة وكان تاجر ملابس وشخص ومعروف عنه إنه راجل محترم، وطلب من شقيقي مبلغ وبدأ ياخد أموال كبيرة من أشخاص بهدف استثمارها، وأنا دفعت مليون جنيه، وكانت الأرباح متغيرة في البداية، وفيه ناس كتير وثقت فيه وبدأوا يدفعوا، ومنهم ناس دفعت ملايين وناس دافعت 10 جنيه أملًا في زيادة الأرباح.
وأضافت سنية: توقف فجاة عن دفع الأرباح وبدأ الناس تطالب بفلوسها، ولكن كان بيحاول يتهرب من مقابلتهم، ولما توجهنا إليه قالنا مش معايا فلوس أدفع لحد.
وأردفت السيدة قائلة: جميع أهالي المنزلة كانت واثقة فيه لأنه كان عامل دعايا للمعدات في التليفزيون، وكان عنده معارض في المنزلة، ولكن في الآخر نصب على الناس في مبلغ تخطى 200 مليون وحاليًا مختفي بقاله 3 شهور مش عارفين نوصل لحاجة، وحررنا محاضر بالوقائع.
واختتمت: أنا مش بطالب غير بحقي أنا شقى عمري كله راح، وده كله علشان كنت واثقة فيه وكان دايما بيقولي أنا عايش على دعاء الناس لحد ما سرق فلوس الناس.
من جانبها، قالت إحدى ضحايا المستريح لـ القاهرة 24، وتدعى أم قدري إنها تعرفت على المتهم من خلال جيرانها وأصدقائها، وسلمت مبلغا ماليا كبيرا له بهدف الحصول على أرباح كل شهر على المبلغ المدفوع، مضيفة: فجأة اختفى ورافض يفتح علينا ومش عارفين مصير أموالنا.
