مبروك عطية عن أزمة المستريح: جاموسته عندها حسن توكل على الله مش عندنا
علق الدكتور مبروك عطية، عميد كلية الدراسات الإسلامية الأسبق بجامعة الأزهر الشريف، على واقعة مستريح أسوان، والتي أثارت جدلًا واسعًا خلال الساعات الماضية.
مبروك عطية: ربنا إدانا عقل يخلينا أسعد من الجاموسة
وقال مبروك عطية، خلال مقطع فيديو نشره عبر صفحته على موقع التواصل الاجتماعي، فيسبوك: ربنا إدانا عقل يخلينا أسعد من الجاموسة، عملنا بيه إيه؟، قتلنا بيه بعض، معرفناش نتوكل على الله حق توكله.
وأضاف مبروك عطية: سألنا الدجالين، ربنا قال ولا تبسطها كل البسط، وقولنا أصرف ما في الجيب يأتيك ما في الغيب.. وعندنا عقل يخلينا أهدى من الجاموسة اللي بتتعرض في المزاد.. الناس حولها سائرون وهي هادية وفي قمة الجمال.. جاموسة المستريح في المزاد هادية وناعمة.
مبروك عطية: ربنا إدانا عقل وإحنا معملناش بيه
وأكمل: فضايجنا في كل مكان.. ربنا إدانا عقل وإحنا معملناش بيه، تلاقي العاقل اللي ربنا كرمه بالعقل والعلم رايح يدي فلوسه للمستريح قبل الُأمي، طب الُأمي غلبان ومعذور ومصدق إن السيدة زينب بتدي تصريح للمستريح، يا متنور يا اللي محصلتش جاموسة المستريح اللي واقفة وسط المزاد هادية.
واختتم مبروك عطية: عندها حاجة مش عندنا.. عندها حاجة مش موجودة فينا إحنا معشر المسلمين.. هادية ومسلمة أمرها لله.. وإحنا مسلمناش أمرنا لله.
