دينا فؤاد: لو حققت هدفي هعتزل بدري.. وفكرت في الذهاب لـ طبيب نفسي
تحدثت الفنانة دينا فؤاد، عن فكرة اعتزال الفن، وعن الأزمات النفسية في حياتها، وحياتها الشخصية والتي تحاول قدر الإمكان أن تبعدها عن الأنظار، موضحة أنه لا يجب على الجمهور معرفة كل شيء عن حياة الفنان على حد وصفها.
وقالت وجه القمر دينا فؤاد، خلال حوارها في أحد البرامج التليفزيونية، إنها تشعر بأنها سوف تعتزل مهنة التمثيل مبكرا، قائلة: أنا حاسة إني هعتزل بدري، يعني لو وصلت للهدف بتاعي بعد سنة أو 5 سنين هكتفي وأعتزل، عايزة أوصل لمكانة معينة ومهمة بمجهودي ونضجي الفني، وأدوار في رصيدي الفني تعلم مع الجمهور، أوقات كتير بتتعرض عليا أدوار مبحسش إني هقدم جديد فيها، ولكني بحب أقدم أدوار متنوعة، أنا معنديش مشكلة إني لو اكتفيت هعتزل.
أما عن تعرضها لأزمات نفسية وذهابها لطبيب نفسي، فقالت دينا فؤاد: فكرة إني تعرضت لأزمات نفسية وفكرت أروح لدكتور نفسي حصلت، ولكني عديت منها بسبب أصدقائي المقربين واللي فعلا فادوني وقدرت أعدي من المرحلة دي بسببهم، ولكني لو فعلا مريت بمشكلة نفسية واللي حواليا عاجزين عن مساعدتي هلجأ لطبيب نفسي وهقول ده عادي.
كما تحدثت عن حياتها الشخصية، فقال دينا فأوضحت: حياتي الشخصية خط أحمر ومش ملك للجمهور لأنه بيتفرج على دور بتقدميه يا بيحبك يا بيكرهك، في حاجات الجمهور عارفها زي إني عندي بنت، مش هخبي إني مخلفة، ولكن مش كل تفاصيل حياتي لازم الجمهور يعرفها، ومش من حق حد يتدخلها فيها أو في القرار.
