منة عرفة: أنا مكنتش بقدم أدوار جريئة ولما اتجوزت بقيت محترمة
تحدثت الفنانة منة عرفة، عن أسباب رفضها التلامس في الأعمال الفنية أو تقديم المشاهد الجريئة، مشيرة إلى أن هذا مبدأها من قبل أن تتزوج.
وأوضحت منة عرفة خلال لقائها في برنامج تلفزيوني: المبدأ واحد عشان بس الناس تفهم أنا ما كنتش بقدم ده ولما اتجوزت محمود بقيت محترمة أنا ضد ده من البداية ممكن أتفرج عليه لكن مش حابة أقدمه.
في سياق آخر، أكدت منة عرفة، أن قرار انفصالها عن زوجها لم يكن بإجبار من أحد، قائلة: محدش يقدر يجبرني أبعد عن جوزي أو يخليني معاه، أثناء المشاكل كان فيه النقابة وإلهام شاهين لما كانت القصة في أولها، ناس بتنصحني، وأنا باخد بالنصيحة والقرار في الأول والآخر قراري أنا، وأنا معملتش له حاجة عشان يضرني أحنا بينا كل خير.
واستكملت: أنا بحبه جدًا وبكن له كل الحاجات الحلوة، الفكرة في شوية حاجات بنتفق عليها لو ربنا يسرها لينا ومشينا فيها نكمل ليه ما نكملش، لو حصل عكس ده كل واحد هيكون بيضر أكتر ما بينفع.
كما صرحت منة عرفة، أنها تحاول افتتاح مشروع خاص بها، كونها متضررة ماديًا، مشيرة إلى أن الضرر المادي الواقع عليها ليس بسبب قلة أعمالها ولكن بسبب أنها شخصية مسرفة، مضيفة: كل الناس عارفة أن شغلانة الفن مش قاعدة لك كل شخص ليه الكام سنة بتوعه وأنا متضررة ماديا لأني مسرفة جدا لو جالي 10 مليون مش بعرف أحافط عليها أو أحوش.
