عبير الشرقاوي ترد على منتقدي تصريحاتها ضد مسلسل طلوع الروح: داعش فئة ضالة
أوضحت الفنانة المعتزلة عبير الشرقاوي، ابنه المخرج الراحل جلال الشرقاوي، وجهت نظرها بعد الانتقادات التي وجهتها لأسرة مسلسل بطول الروح، خلال الساعات الماضية، وهو بطولة الفنانة إلهام شاهين، ويعرض حاليًا عبر شاشة أحد القنوات التلفزيونية.
وكتبت عبير الشرقاوي عبر حسابها الشخصي بموقع فيس بوك: اللي مفهمش كلامي أو مش عايز يفهمه عشان يرقص شوية في التريند، داعش فئة ضالة مضلله ولكن أغلبهم لا يعتقدون ذلك في أنفسهم، بل يعتقدون أنهم مسلمون حق.
وتابعت: عندما يقتلون يظنون أنهم يقتلون في سبيل الله إن ثوابهم على هذا القتل هو الجنة، هنا تكمن المشكلة، لأن عندهم اعتقاد إن اللي يعملوه ده دين الحق، وعشان كده، هما خاطرين جدًا جدًا، على أي مجتمع يعيشون فيه.
تصريحات عبير الشرقاوي
وسبق وانتقدت عبير الشرقاوي، أسرة مسلسل بطلوح الروح، والذي تقدم بطولته الفنانة إلهام شاهين، منة شلبي، أحمد السعدني، والذي يُعرض خلال السباق الرمضاني 2022.
وكتبت عبير الشرقاوي، عبر حسابها الشخصي بموقع التواصل الاجتماعي فيسبوك: أسرة مسلسل الهبل بطلوع الروح.. التناول غبي مش معقولة نطلع الناس بتوع داعش خاينين وبيرتشوا وبيشربوا خمرة.. دول ناس بيعتبروا نفسهم مجاهدين في سبيل الله، ومستعدين للموت في أي لحظة.
وتابعت: إحنا عارفين إنهم على باطل آه، بس هما مش عارفين هما بيعتبروا نفسهم المسلم الحق، وأي حد جانبهم مسلم ناقص فمش معقولة نطلعهم بيشربوا خمرة إيه الهبل ده، بقى معقولة البطل إللي بيعتبر نفسه مجاهد عنده غزوة تاني يوم، وممكن يتقتل وهو عارف كده يروح يجيب خمرة ويشرب هو ومراته.. أرحمونا يا هبل.. خسارة الفلوس والله.
