بعد وفاة 8 معتمرين.. مبروك عطية مهاجمًا: اللي بيقول ربنا اختارهم للجنة فكره منحرف
علّق الدكتور مبروك عطية عميد كلية الدراسات الإسلامية الأسبق بجامعة الأزهر، على وفاة 8 معتمرين في السعودية، إثر وقوع حادث أليم أثناء ذهابهم من مكة للمدينة، وذلك بعد قول البعض بأن الله اختارهم للموت لدخول الجنة.
عطية: الخطاب الديني اللي بيسمعه بيقول كده
وقال الدكتور مبروك عطية من خلال بث مباشر عبر حسابه الرسمي على موقع التواصل الاجتماعي فيسبوك: اللي بيقول ربنا اختارهم عشان يدخلهم الجنة فكره منحرف.
وأضاف مبروك عطية: أنا عندي دليل من القرآن الكريم على إن اللي بيقول كده فكره مخرف ومعذور واتربى على كده والخطاب الديني اللي بيسمعه بيقول كده.. بيخرب عقول خرابة أصلا.
واستدل مبروك عطية على بطلان هذا القول، بقوله تعالى: فَمَن تَمَتَّعَ بِالْعُمْرَةِ إِلَى الْحَجِّ فَمَا اسْتَيْسَرَ مِنَ الْهَدْيِ ۚ فَمَن لَّمْ يَجِدْ فَصِيَامُ ثَلَاثَةِ أَيَّامٍ فِي الْحَجِّ وَسَبْعَةٍ إِذَا رَجَعْتُمْ ۗ تِلْكَ عَشَرَةٌ كَامِلَةٌ ۗ ذَٰلِكَ لِمَن لَّمْ يَكُنْ أَهْلُهُ حَاضِرِي الْمَسْجِدِ الْحَرَامِ ۚ وَاتَّقُوا اللَّهَ وَاعْلَمُوا أَنَّ اللَّهَ شَدِيدُ الْعِقَابِ.
وأشار مبروك عطية: قال إذا رجعتم ولا قال إذا متم يا اللي بتقول كده.. ربنا عايزنا نرجع مش نموت..هو ربنا قال موتوا هناك! ما كان قالها ربنا!.
واستطرد عطية: وبعدين في الحوادث؟..وبعدين في حوادث السير؟..فيه زاوية محدش بيدخل منها..يلا نسوق واحنا مش عارفين نسوق..يلا نسوق واحنا بنستعمل الموبايل.
وأضاف مبروك عطية: يلا نسوق واحنا مش عارفين حاجة ونروح كلنا ونبقى شهداء ولا أيه! المفروض اللي يسوق عربية يكون أستاذ في السواقة..يكون عليم بالسواقة..الحادثة بتحصل في طرفة عين.
