تسريب جديد في الاختيار.. السيسي يحذر الشاطر ومرسي من العنف: أنا فاهم وأقدر أعمل
شهدت الحلقة الحادية والعشرون من مسلسل الاختيار، عرض تسريب جديد يجمع اللوء عبد الفتاح السيسي، وخيرت الشاطر نائب المرشد في جماعة الإخوان المسلمين ومحمد مرسي.
وخلال التسريب قال السيسي: إحنا أحرص الناس وأولى الناس على أن ميكونش في لا إصابات ولا عدم استقرار في مصر، لكن الواقع اللي على الأرض غير كدا، الواقع اللي على الأرض بيستهدف ده وإن معرفش يجيلك في الميدان النهاردة هيجيلك في حتة تانية، الانتخابات بكرة يضرب حد بالنار ظابط أو عسكري عشان يعمل حاجة تانية، يروح جاي على الكنائس يا دكتور سعد، خلال الكام يوم الجايين الاحتفالات بتاعة المسيحيين سواء اللي قبل أو بعد ديسمبر أو يناير عشان يعمل حاجة تالتة، دا موضوع مش محتاج بس جهد أكبر من كده، دا محتاج جهد أمني وجهد ومنكم.. ما هي مبادرة الإخوان لحل المسألة اللي إحنا فيها دي ليكم مبادرة تعملوها أنتو قوة على الأرض وليكم مكانتكم ولكم قدرتكم وكفاءتكم ولكم تقلكم اللي ميعملهاش يبقى بيتخلى عن المسئولية ويقلك خلاص كدا.. حالة الفهم الموجودة عندنا عن الموقف وأسبابه دي مسئولية أمام ربنا.. المواطن العادي ميفهمش ولا يقدر يعمل.. لكن أنا فاهم وأقدر أعمل.
مسلسل الاختيار في الجزء الثالث، الذي يعرض في شهر رمضان، يتناول عددًا من الأحداث والقضايا التي شهدتها مصر خلال السنوات الماضية، في أثناء فترة تولي جماعة الإخوان الإرهابية السلطة، والمؤامرت التي دبرتها الجماعة الإرهابية ضد الدولة المصرية في أثناء توليها الحكم، وضد مؤسسات الدولة المختلفة، وبخاصة جهاز الأمن الوطني في وزارة الداخلية وجهازي المخابرات العامة والحربية، وهي الجهات التي كان لها دور كبير في إحباط المخططات التي سعت الجماعة الإرهابية لتنفيذها في مصر.
ويحظى مسلسل الاختيار في الجزء الثالث منه الذي يعرض هذا العام بنسب مشاهدة عالية من الجمهور المصري، والعربي بسبب الأحداث التي يتعرض لها والتي تمثل مرحلة زمنية فارقة في التاريخ المصري، إذ يتناول فترة تولي جماعة الإخوان المسلمين الإرهابية والمخططات التي دبرتها ضد مؤسسات الدولة المصرية بما فيها الجيش والشرطة والقضاء، حيث سعت الجماعة إلى أحلال عدد من القضاء التابعين لها في المناصب، القيادية في جهاز القضاء.
بينما شهدت الحلقة التاسعة عشرة من مسلسل الاختيار 3، عرض تسريب جديد لخيرت الشاطر نائب المرشد في جماعة الإخوان الإرهابية.
وخلال التسريب، قال الشاطر: الدكتور عبد المنعم له موقف، إحنا كجماعة واخدين قرار استراتيجي بألا يكون لنا مرشح في انتخابات الرئاسة، وإحنا بنقول هذا الكلام من عدة اعتبارات؛ منها: الاعتبار اللي اتفضلت حضرتك بالإشارة ليه.
