تسريب جديد في الاختيار.. السيسي لمرسي وخيرت الشاطر: أنتم قوة على الأرض ولكم مكانتكم ولكم قدرتكم
شهدت الحلقة الحادية والعشرون من مسلسل الاختيار، عرض تسريب جديد يجمع اللوء عبد الفتاح السيسي، وخيرت الشاطر نائب المرشد في جماعة الإخوان المسلمين ومحمد مرسي.
وخلال التسريب قال السيسي: إحنا أحرص الناس وأولى الناس على أن ميكونش في لا إصابات ولا عدم استقرار في مصر، لكن الواقع اللي على الأرض غير كدا، الواقع اللي على الأرض بيستهدف ده وإن معرفش يجيلك في الميدان النهاردة هيجيلك في حتة تانية، الانتخابات بكرة يضرب حد بالنار ظابط أو عسكري عشان يعمل حاجة تانية، يروح جاي على الكنائس يا دكتور سعد، خلال الكام يوم الجايين الاحتفالات بتاعة المسيحيين سواء اللي قبل أو بعد ديسمبر أو يناير عشان يعمل حاجة تالتة، دا موضوع مش محتاج بس جهد أكبر من كده، دا محتاج جهد أمني وجهد ومنكم.. ما هي مبادرة الإخوان لحل المسألة اللي إحنا فيها دي ليكم مبادرة تعملوها أنتو قوة على الأرض وليكم مكانتكم ولكم قدرتكم وكفاءتكم ولكم تقلكم اللي ميعملهاش يبقى بيتخلى عن المسئولية ويقلك خلاص كدا.. حالة الفهم الموجودة عندنا عن الموقف وأسبابه دي مسئولية أمام ربنا.. المواطن العادي ميفهمش ولا يقدر يعمل.. لكن أنا فاهم وأقدر أعمل.
وشهدت الحلقة العشرون من مسلسل الاختيار 3، الكشف وجود ضغوط من جماعة الإخوان المسلمين الإرهابية على جهاز المخابرات العامة، من أجل الإفراج عن عناصر إرهابية تم القبض عليها.
بينما عرضت الحلقة 19 من مسلسل الاختيار 3، لقاءً لقيادات مكتب جماعة الإخوان الإرهابية للرد على الدعوات، التي انطلقت من القوى الوطنية من أجل التظاهر أمام مقر مكتب الإرشاد.
وخلال اللقاء قال محمد بديع، مرشد جماعة الإخوان المسلمين: لازم يتحط ليهم حد. ليرد الشاطر: الدعوة للتظاهر في المقطم إعلان حرب وأهلا بجهاد مستحق.
مسلسل الاختيار عرض عددًا من المفاجآت حول جماعة الإخوان المسلمين، في أثناء توليها السلطة وطريقة إدارتها للدولة المصرية خلال فترة حُكمها، حيث استعرضت الحلقة اجتماع محاولة الجماعة استبعاد بعض ضباط جهاز الأمن الوطني، الذين عملوا على ملف الجماعة لسنوات طويلة، في محاولة منها لضرب مؤسسات الدولة المصرية المختلفة.
إلى جانب محاولة اختراق مؤسسات الدولة الوطنية ومن بينها القوات المسلحة، ولكن المخططات التي وضعتها الجماعة لم تكن بعيدة عمّا رصده جهاز المخابرات العامة وجهاز المخابرات الحربية، اللذان كثفا من جهودهما في فترة حكم الجماعة لإحباط جميع المخططات والمؤامرات التي سعت لتنفيذها.
