مسلسل الاختيار 3 الحلقة 12.. الشاطر لمرسي: عاوزين نكسر شوكة السيسي
كشفت الحلقة 12 من مسلسل الاختيار 3 تفصيل لقاء، دار بين الرئيس الإخواني محمد مرسي، وخيرت الشاطر نائب مرشد الإخوان، الذي طالب فيه الأخير، مرسي، بضرورة تجاهل وزير الدفاع بالفريق أول عبد الفتاح السيسي.
وأضاف الشاطر خلال حديثه لـ مرسي: أي حاجة تخص عبد الفتاح السيسي، وزير الدفاع؛ لازم نتناقش فيها، ولازم تتجاهل السيسي، هو مجرد وزير دفاع، لازم يفهم إننا في أي وقت قادرين نوجه الحشود بتاعتنا ليه وللجيش، عاوزين نكسر شوكته.
وعرضت الحلقة العاشرة من مسلسل الاختيار تسريبًا جديدا لخيرت الشاطر نائب المرشد في جماعة الإخوان المسلمين الإرهابية.
وخلال التسريب قال خيرت الشاطر: المجموعات الرئيسية اللي كانت بتدعم حازم، وهي في مئات آلاف على مستوى الجمهورية، مختلف المحافظات، يعني في مطروح في كفر الشيخ السلفية الشعبية اللي بتتبناه، وجزء من السلفيين في القنوات الفضائية همّا دول مش منظمين يعني، مش جسم يقدر يجمع ويعمل شغل كبير، إنما فيه مجموعات خطر، فيه مجموعة عبد المجيد الشاذلي بتاعة التبين، أو مجموعة القطبيين، أو السلفية الجهادية، دول خطر حقيقي؛ حتى لو قليلين في العدد، لأن دول بشكل أو بآخر متبنين فكرة العنف، وهما عندهم نظرية موجودة بتقول إننا نقفز على الحكم، وده تعديل في استراتيجيتهم السابقة، يعني إن هو يبقى جزء من الإصلاح من فوق.
