الاختيار 3.. تسريب جديد لخيرت الشاطر: قلقان من اللجوء للعنف والعودة لفترة التسعينيات
عرضت الحلقة العاشرة من مسلسل الاختيار تسريبا جديدا لخيرت الشاطر نائب المرشد في جماعة الإخوان المسلمين الإرهابية.
وخلال التسريب قال خيرت الشاطر: المجموعات الرئيسية اللي كانت بتدعم حازم وهي في مئات الاف على مستوى الجمهورية مختلف المحافظات يعني في مطروح في كفر الشيخ السلفية الشعبية اللي بتتبناه وجزء من السلفيين في القنوات الفضائية، همّا دول مش منظمين يعني مش جسم يقدر يجمع ويعمل شغل كبير، إنما فيه مجموعات خطر فيه مجموعة عبد المجيد الشاذلي بتاعة التبين أو مجموعة القطبيين أو السلفية الجهادية دول خطر حقيقي حتى لو قليلين في العدد لأن دول بشكل أو بآخر متبنيين فكرة العنف، وهم عندهم نظرية موجودة بتقول إننا نقفز على الحكم ودا تعديل في استراتيجيتهم السابقة يعني أن هو يبقى جزء من الإصلاح من فوق”.
وأردف الشاطر بـ: عبد المجيد وجه ندا الشهر اللي فات لبعض الجمعات اللي تبع القاعدة والناس بتاعه العنف أنهم ينزلوا مصر والمعلومات اللي عندنا أن في ناس نزلت يعني مش كتير 30 40 في ظل الهيصة الموجودة والأمور مش محكومة زي الأول على مستوى أمن الدولة والأجهزة، وممكن يبقى في تفكير في أحداث عمليات إرهابية وتفجيرات ودا لو توافق مع سكون عند الإخوان تبقى كارثة الجو نفسه مهيأ أني لو نزلت بمليونية وجه عندي صوت أروح وزارة الدفاع أو المحكمة الدستورية...
وأردف بـ: أنا قلقان من أن الفترة الجاية تلجأ للعنف حتى لو على نطاق صغير مش لازم يبقى خطر كبير ونرجع لأجواء 92 كان خمسة ستة بيعملوا فرقعة في المتحف بتعملنا دوشة.
وعرضت الحلقة الثامنة من مسلسل الاختيار 3، لقاءً ثلاثيا جمع المشير محمد حسين طنطاوي، والفريق أول عبد الفتاح السيسي، والرئيس المعزول محمد مرسي.
وخلال اللقاء قال المشير محمد حسين طنطاوي: أنا بتابع السيسي من أيام ما كان مقدم ومش بس يؤتمن على الجيش ده يؤتمن على البلد بحالها.
وقال طنطاوي: اللي حصل هو المفروض ميكنش موجود عشان يبقى الكلام دا بيني وبينك.. بس دا يعني مش ابني.
ليرد مرسي: أنا عارف العلاقة دي إلى أي مدى وعارف الثقة، بينما قال طنطاوي: وبعدين على فكرة قربه من الله وإخلاصه لله الحمد لله..ليرد السيسي: يارب أكون كده.
فيما رضت الحلقة التاسعة من مسلسل الاختيار3 تسريبا جديدا للرئيس المعزول محمد مرسي، يتحدث فيه لعدد من قيادات جماعة الإخوان المسلمين من بينهم خيرت الشاطر.
وخلال التسريب قال مرسي: البرادعي زعلان كان هيموت على رئاسة الوزراء.. هيموت يعني.. حضرتك فاكر اتصل بينا مرتين في نفس اليوم، قال إذا مش موافقين قالوا ليس لدينا مانع، هي رئاسة الوزراء مهمة للدرجة دي حاجة غريبة جدا.
وقاطع الشاطر حديث مرسي قائلًا: أه واديت له رسالة أن الإخوان مش هيدوا له في انتخابات الرئاسة، وهو بيراهن على غير كدا، فيبقى إذ كان التصويت كتلته 60-70% ماشية في اتجاه الإسلاميين، يبقى فرص نجاحه ضعيفة أو مش موجودة، فقرر الانسحاب بشرط، ونوع من الضغط بقى يعني جايز الناس بتحب الضحية جايز أي حد يتعاطف معاه، الطريقة الأمريكاني يعني.
