مصطفى درويش يكشف سبب تغيير اسمه الفني.. وينتقد مايان السيد: مالك يا مارلين مونرو؟
علق الفنان مصطفى درويش، على اتهام الفنانة مايان السيد تحرشه بها، خلال حواره مع الإعلامية بسمة وهبة، مذيعة برنامج العرافة، على قناة المحور.
وقال مصطفى درويش: بقيت ظيطة بقى يعني تم التحرش بيكي مرتين ومعرفتيش مرة من 6 سنين ومرة من سنتين وعرفتِ دلوقتي؟ وزميل ممثل إيه اللي هيتحرش بيكِ يعني وإيه مش حاسة بأمان في شغلك مع الرجالة اللي هم 75% من الكرو في الشغلانة في إيه يا ست مارلين مونرو مالك، ده إيه الأوفر ده بصوت سبعبع.
وتابع: في زميل هيتحرش بواحدة مرتين ومش واخدة بالها؟! من أول مرة قولي يا ماما، مفيش حد بيخاف دلوقتي، هو في حد بيخاف في البلد؟!.
وأكد مصطفى درويش على أنه غيّر اسمه الفني إلى مصطفى حسين درويش، حيث يوقع به العقود، احترامًا للفنان مصطفى درويش، بسبب تشابه الأسماء بينهما، قائلًا: بقول يكتبوا اسمي مصطفى حسين درويش بدل مصطفى درويش، عشان أرد للراجل حقه.
أعمال مصطفى درويش في رمضان 2022
وفي سياق منفصل شارك مصطفى درويش، كضيف شرف في مسلسل سوتس بالعربي، والعمل من بطولة آسر ياسين، أحمد داود، ريم مصطفى، صبا مبارك، تارا عماد، وعدد آخر من الفنانين، والمسلسل من تأليف محمد حفظي وياسر عبد المجيد، إخراج عصام عبد الحميد.
