محمد أنور: كنت فرحان برؤية فاندام والناس سابت كل حاجة وركزت في أبوس جزمتك
علق الفنان محمد أنور على حديثه مع النجم العالمي فاندام، في برنامج رامز موفي ستار الذي يقدمه رامز جلال على إحدى القنوات الفضائية، وذلك بعد تعليقات الجمهور عليه بطريقة ساخرة.
محمد أنور: بعد 3 دقايق من عرض الحلقة بقيت تريند على تويتر
وقال محمد أنور، في تصريح لـ القاهرة 24: بعد 3 دقايق من عرض الحلقة بقيت تريند على تويتر، ورد فعل الناس وكوميكس بسبب جملة يا عم فاندام iam help you، هي حاجات قولتها وأنا متوتر الحقيقة.
وأضاف أنور: كنت فرحان أني شوفت فاندام سابوا كل الحاجات دي كلها، لو فتحت السوشيال ميديا كلها هتلاقي محمد أنور وفاندام، فيسيبوا كل دة ويركزوا في الجملة دي، والجملة مقطوعة أنا كنت بقولها مش قصدي خالص أهين حد، ولا أقلل من حاجة.
واستكمل حديثه: من كتر فرحتي أنا ممكن أوطي على رجلك أبوسها يعني جملة عفوية جدًا والحلقة كلها عفوية جدًا الحمد الله، مش قصدي من وراها أي حاجة ولا فيها أي حاجة، ومش معناها أني أقلل من الفن المصري خالص بس هي فرحة دة كان عشق الطفولة بالنسبة لي فاندام دة من كتر فرحتي مكنتش عارفه أعمله إيه عشان أبسطه طلعت عفوية مش قصدي أي حاجة.
محمد أنور في رامز موفي ستار
وشهدت حلقة اليوم من برنامج رامز موفي ستار، العديد من التعليقات الساخرة والإيفيهات الكوميدية على إطلالة محمد أنور، حيث علق رامز: أنور بيغير في المنور.. أمين صندوق مستودع الأنابيب.. كنت خليك في مسرح مصر أحسنلك.
وعبّر محمد أنور عن سعادته لحظة لقائه الفنان العالمي فاندام، قائلًا: أنا عاوز أوطي أبوس رجلك من كل ما أنا مبسوط، ليرد فاندام: روح بوس رجل أمك.
