سهام جلال عن طلبها شغل من أمير كرارة وأحمد السقا: اتصدمت ومافيش صحاب ولا حد بيساعد
كشفت الفنانة سهام جلال عن تعرضها للخذلان من صديقيها الفنان أمير كرارة والفنان أحمد السقا، بعدما طلبت منهما أن يساعدوها في إتاحة فرصة للمشاركة في عمل فني.
وقالت سهام جلال، إنها هاتفت الفنان أمير كرارة، لطلب المساعدة منه في إيجاد عمل، لكنه عشمها ولم يرد عليها، موضحة: المفروض لما زميل يكلمك ويطلب منك حاجة لازم تراعي أنه عشان يعمل الطلب ده قعد مع نفسه كتير وعشان تعشمه لازم تلتزم، وأمير قال لي تمام وعنيا الاتنين وبعدها ماردش عليا.
وبسؤالها عن طلبها العمل من الفنان أحمد السقا، قالت: مفيش صحاب، كلمة صاحب لها مسؤولية كبيرة، وما حدش بيساعد حد وماحدش بيجب لحد حاجة، بس أنا بعمل اللي عليا لأن بنا أمرني أسعى وأكلم الناس وده مايقللش مني لكن اتصدمت من الردود.
وفي سياق آخر، أكدت الفنانة سهام جلال، أنها ترفض أن تتزوج من رجل أصغر منها في العمر، مشيرة إلى أنها تحب أن تتزوج من شخص مسؤول، قائلة: لا يمكن أتجوز واحد أصغر مني ليه أخده ويطلع عيني الصغير ده بيشوف نفسه.
وأردفت: أنا أخد واحد أدلعه ليه أنا عاوزة ادلع بحب ادلع.. وللأسف عمري ما فكرت أتجوز راجل أعمال ينتج لي وغلطت جدًا لأن كان عندي فرص كتير تطلعني وتظهر موهبتي اللي ماخرجتش لحد دلوقتي ولو رجع بيا الزمن كنت خدت واحد ينجمني ويطلعني، اجتهاد مين بقى كفاية الاجتهاد على السلم.
