عامر حسين: مقدرش أضحك على الناس ومش من السهل إعادة مباراة المنتخب أمام السنغال
عقب الإعلامي عمرو أديب على أحداث مباراة منتخب مصر أمام نظيره السنغالي، قائلًا: “عملوا كل الموبقات والأشياء الغلط.. انتم مكسبتوش بالعدل وحار ونار وصول منتخبكم لكأس العالم”.
وتابع أديب، خلال برنامجه الحكاية، مساء اليوم الإثنين: مكنش ناقص غير يدخلوا الكورة بإيديهم في شبكة الشناوي.. إحنا ناخد أحسن أخلاق وهما يوصلوا كأس العالم.. إحنا طلعنا من المولد بلا حمص، واتحاد الكرة المصري يحاول إنقاذ ما يمكن إنقاذه.
موقف البرتغالي كارلوس كيروش
ومن جانبه قال عامر حسين، عضو مجلس إدارة اتحاد الكرة، إن هناك اجتماعا يوم الأحد المقبل لدراسة موقف البرتغالي كارلوس كيروش وإمكانية البقاء في منصبه كمدير فني للمنتخب.
وأكمل عامر حسين: عايزين منتخب قوي، وهنسمع كلام كيروش، ولكن مينفعش مع كل هزيمة للمنتخب نمشي مدرب.. هنسمع وجهة نظر كيروش ونشوف خطته المستقبلية للمنتخب وإيه الطلبات اللي محتاجها لتشكيل منتخب يكون قادر على حصد البطولات.
وأكمل: مقدرش أضحك على الناس وعارف اللوائح كويس ومش من السهل إن المباراة تتعاد.. عايزين نثبت للمحكمة الرياضية إننا بنحافظ على حقنا لآخر وقت وإنه مينفعش اللي حصل يتكرر تاني.
وفي السياق، عقب الإعلامي عمرو أديب على الهجوم الذي طال اللاعب الدولي محمد صلاح، نجم منتخب مصر وليفربول الإنجليزي قائلا: ‘حنا جايبين أحسن لاعب في العالم عشان يلعب في الغابة.. كل النجوم العالميين لا توفق في ضربات الترجيح.
واختتم الإعلامي عمرو أديب: ميسي ورونالدو ضيعوا ركلات جزاء ودي مش نهاية المطاف، الناس بتنسى محمد صلاح عمل إيه مع المنتخب، وعندنا ناس قلابة ولكن مفيش حد مش حزين على خروجنا من كأس العالم.
