مي حلمي: اشتغلت من ورا أهلي.. وممكن أحلق شعري زي شيرين عبد الوهاب
كشفت الإعلامية مي حلمي تفاصيل عملها منذ الصغر في المرحلة الثانوية، إذ عملت في مجال السياحة قبل انتقالها للإعلام، بجانب الحديث عن أزمة الفنانة شيرين عبد الوهاب.
وقالت مي حلمي خلال لقائها مع الإعلامية أميرة بدر: اشتغلت في السياحة من وأنا 15 سنة ودا مش سهل؛ لأن بيكون فيه قواعد غير قواعد البيت والناس مش لطيفة، واشتغلت من ورا أهلي بين فترة 3 ثانوي والجامعة، وكنت بحب شغلي وقررت أكمل شغل بالرغم من اعتراضهم.
مي حلمي: الناس بتنتقدني لأنهم مش عارفين يكونوا زيي ويقفوا على رجلهم
وواصلت حلمي: مكنتش طفلة مدللة في البيت، وأمي كانت صارمة جدا في قراراتها، وبقول لكل شخص بينتقدني أنتوا متعرفوش أنا مريت بإيه، ومتعرفوش حياتي سهلة ولا صعبة، وجربوا تسمعوا وتشوفوا قبل ما تحكموا، وقبل كدا الكلام كان بيجرحني وبيأثر فيا واكتشفت أن اللي بينتقدني بيكون عايز يعمل زيي ومش عارف، أو بيمر باللي أنا بمر بيه في حياتي.
وأضافت مي حلمي: أنا مش قادرة أتضامن مع شيرين عبد الوهاب تمامصا، فيه جزء جوايا بيقول أنها ست ولازم أدعمها وجزء تاني بيقول أنها ضعيفة، ولازم تقف على رجلها وتكون أقوى، وهي لو بتمر بـ اكتئاب لازم تخرج منه وعندها أولاد تكون أقوى بيهم، وهي جميلة، ممكن أعمل زي شيرين وأكتر كمان ولكنها مستسلمة ومحبتش أنها تطلع للناس مكسورة وتخليهم يحكموا عليها.
